ފްލައިޓެއްގެ ފަސިންޖަރުން ކްލިއަރ ކުރުމަށް މިހާރު ނަގާނީ 15 މިނެޓް – އިމިޤްރޭޝަން

ފްލައިޓެއްގެ ފަސިންޖަރުން 15 މިނެޓުން ކްލިއަރ ކުރުމުގެ ޤާބިލްކަން އިމިޤްރޭޝަންގައި އެބަހުރިކަމަށް ކޮންޓްރޯލަރު މުހައްމަދު އަހުމަދު ހުސައިން ވިދާޅުވެއްޖެއެވެ.

އިމިގްރޭޝަން ކޮންޓްރޯލަރު މުހައްމަދު އަހުމަދު ހުސައިން ވިދާޅުވީ، ކަސްޓަމަރުންނަށް އަވަސްކަމާއިއެކު ޙިދުމަތްދެވޭނެ ގޮތްތައް އިމިޤްރޭޝަނުން ބަލަމުންދާކަމަށެވެ. އެގޮތުން މިހާރު އިމިޤްރޭޝަން ކްލިއަރ ކުރުމަށް ކޮންމެ ފަސިންޖަރަކަށް ނަގާނީ 35 ސިކުންތުގެ ވަގުތުކޮޅެއްކަމަށެވެ.

advertisement

އިމިޤްރޭޝަނުން ޙިދުމަތްދޭ ކައުންޓަރުތަކުގެ އަދަދު މިހާރު 14 އަށް އިތުރުކޮށްފައިވާކަން ފާހަގަކުރައްވައި އޭނާ ވިދާޅުވީ، 350 ފަސިންޖަރުންގެ ޕްލައިޓެއް ކްލިއަރ ކުރުމަށް މިހާރު އިމިޤްރޭޝަނުން ނަގާނީ 15 މިނެޓުގެ ވަގުތެއްކަމަށެވެ.

ކޯވިޑް19 އަށްފަހު ރާއްޖޭގެ ބޯޑަރު އަލުން ހުޅުވާލުމާއިއެކު ރާއްޖެ އަންނަ ފަތުރުވެރިންގެ އަދަދު އިތުރުވެ، ވެލާނާ އިންޓަނޭޝަނަލް އެއަރޕޯޓަށް ވަނީ ބާރުބޮޑުވެފައެވެ. މިހާރު އެވްރެޖްކޮށް ދުވާލެއްގެ މައްޗަށް 3000 އަށްވުރެ ގިނަ ފަތުރުވެރިން ރާއްޖެ އަންނައިރު މިއަހަރުގެ މިހާތަނަށް ރާއްޖެއައި 5 ލައްކަ ވަނަ ފަތުރުވެރިޔާއަށް މިއަދު މިވަނީ އައިސްފައެވެ.