އެމިރޭޓްސް އިން ރާއްޖެއަށް ކުރާ ދަތުރުތައް އަނެއްކާވެސް އިތުރު ކޮށްފި

އެމިރޭޓްސް އިން ރާއްޖެއަށް ކުރާ ދަތުރުތައް އަނެއްކާވެސް އިތުރު ކޮށްފި އެވެ.

މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް) އިން ބުނީ މިމަހުގެ 18 އިން ފެށިގެން އެމިރޭޓްސް އިން ރާއްޖެއަށް ދުވާލަކު ހަތަރު ފްލައިޓު ބާއްވާނެ ކަމަށެވެ.

advertisement

އެމިރޭޓްސް އިން ރާއްޖެ އަށް ކުރާ ދަތުރުތަކުގައި ބޭނުންކުރަނީ ބޮއިން 777 މަރުކާގެ މަތިންދާ ބޯޓެވެ. އެމްއޭސީއެލްއިން ބުނީ އެމިރޭޓްސް އިން މި އިތުރުކުރި ފްލައިޓްތަކާއިއެކު ދުވާލަކު 1400 އަށްވުރެ ގިނަ ސީޓް ކެޕޭސިޓީގައި އެ އެއަރލައިނުން ރާއްޖެއަށް ދަތުރު ކުރާނެކަމަށެވެ.

ޓޫރިޒަމް މިނިސްޓްރީގެ ތަފާސްހިސާބުތައް ދައްކާގޮތުން ރާއްޖޭގެ ބޯޑަރު ހުޅުވާލިފަހުން އެންމެ ގިނަ ފަތުރުވެރިން ރާއްޖެ އައިސްފައިވަނީވެސް އެމިރޭޓްސްގެ ފްލައިޓްތަކުގައެވެ. ޖުލައި 15 އިން ޑިސެމްބަރު 14 ގެ ނިޔަލަށް އެ އެއާލައިނުން 33،769 ފަސިންޖަރުން ވަނީ ރާއްޖެ އައިސްފައެވެ. އެއީ ޖުމްލަ 352 ފްލައިޓް މޫވްމަންޓެވެ.

ރާއްޖެއަށް މިވަގުތު 20 އިންޓަނޭޝަނަލް އެއާލައިނަކުން ދަނީ ދަތުރުކުރަމުންނެވެ. އަދި މިމަހާއި ކުރިއަށްއޮތް 2 މަހުގެ ތެރޭގައިވެސް ގިނަ އެއަރލައިންތަކަކުން ވަނީ ދަތުރުކުރުމަށް ޝެޑިއުލްކޮށްފައެވެ.