ވީއައިއޭގައި އުރީދޫއިން ދެމުންދިޔަ އިންޓަނެޓް ވަރުގަދަކޮށްފި

ވެލާނާ އިންޓަނޭޝަނަލް އެއަރޕޯޓްގައި އުރީދޫން ދޭ އިންޓަނެޓްގެ ހިދުމަތް އިތުރަށް ވަރުގަދަކޮށްފައިވާ ކަމަށް އެ ކުންފުނިން ބުނެފި އެވެ.

އުރީދޫގެ ސީއީއޯ ނަޖީބް ޚާން ކުރެއްވި ޓުވީޓެއްގައި ވިދާޅުވީ ރާއްޖެ އަންނަ ފަތުރުވެރިން އިތުރުވާން ފެށުމާއިއެކު ވެލާނާ އިންޓަނޭޝަނަލް އެއާޕޯޓުގައި އުރީދޫން ދޭ އިންޓަނެޓް އިތުރަށް ވަރުގަދަކޮށްފައިވާ ކަމަށެވެ. އެއާޕޯޓުގެ އިންޓަނެޓް ތިން ގުނަ ވަރުގަދަކޮށްފައިވާ ކަމަށް ނަޖީބް ހާން ވިދާޅުވިއެވެ.

advertisement

މިގޮތަށް އިންޓަނެޓް ހިދުމަތް ރަނގަޅު ކުރަން ނިންމީ އަންނަ ޓޫރިސްޓުންނަށް ރަނގަޅު ފެންވަރުގެ އިންޓަނެޓް ލިބޭނެ ގޮތް ފަހި ކޮށްދިނުމަށް ކަމަށް އުރީދޫއިން ވަނީ ބުނެފައެވެ.

ކޮވިޑާ ގުޅިގެން ބޯޑަރު މާޗް 27 ގައި ބަންދުކުރުމަށް ފަހު އަލުން ހުޅުވާލީ ޖުލައި 15ވަނަ ދުވަހުގަ އެވެ. އޭގެ ފަހުން މިހާތަނަށް ލައްކައަކަށް ވުރެ ގިނަ ފަތުރުވެރިން ރާއްޖެ ވަނީ އައިސްފައެވެ. އަދި އަހަރުގެ މިހާތަނަށް 5 ލައްކަ އަށްވުރެ ގިނަ ފަތުރުވެރިން ވަނީ ރާއްޖެ އައިސްފައެވެ.

ރާއްޖެއަށް މިވަގުތު 20 އިންޓަނޭޝަނަލް އެއާލައިނަކުން ދަތުރުކުރާއިރު ބައެއް އެއާލައިންތަކުން ރާއްޖެއަށް ކުރާ ދަތުރުތަކުގައި ބޭނުންކުރާ އެއާކްރާފްޓުތައް އަޕްގްރޭޑުކޮށް، ދަތުރުތައްވެސް ވަނީ އިތުރުކޮށްފައެވެ.