ޚަބަރު

ޕަރސަނަލް ކޮންޕިއުޓާރސްއިން އެޑިޔުކޭޝަން މިނިސްޓްރީއަށް 6 ލައްކަ ރުފިޔާގެ ސާމާނު ހަދިޔާކޮށްފި

23 ޑިސެމްބަރ 2020 - 13:35

ދިވެހި ރާއްޖޭގައި ފުޅާ ދާއިރާއެއްގައި ކޮމްޕިއުޓަރ ސާމާނު ވިއްކާ ޕަރސަނަލް ކޮމްޕިއުޓަރސްގެ ފަރާތުން މިނިސްޓްރީ އޮފް އެޑިއުކޭޝަނަށް 6 ލައްކައަށްވުރެ ގިނަ ރުފިޔާގެ އެހީ ދީފިއެވެ.

އެޑިއުކޭޝަން މިނިސްޓްރީގެ ފަރާތުން މިއެހީ ހަވާލުވެވަޑައިގަތީ މިނިސްޓަރ ޑރ.އައިޝަތު އަލީއެވެ. ޕަރސަނަލް ކޮމްޕިއުޓަރސްގެ ފަރާތުން މިއެހީ ހަވާލުކޮށްދެއްވީ ސީއީއޯ މޫސާ އައްފާނެވެ.

ޕަރސަނަލް ކޮމްޕިއުޓަރސްގެ ފަރާތުން ހަދިޔާކުރި މިތަކެއްޗަކީ އެ ކުންފުނީގެ ކޯޕަރޭޓް ސޯޝަލް ރެސްޕޮންސިބިލިޓީ، ސީއެސްއާރްގެ ދަށުން ހަދިޔާކުރި ތަކެތި ކަމަށް އެ ކުންފުނިން ބުނެއެވެ.

ޕަރސަނަލް ކޮމްޕިއުޓަރސްއިން އެޑިޔުކޭޝަން މިނިސްޓްރީއަށް ހަދިޔާކޮށްފައިވަނީ އެޑިއުކޭޝަން މިނިސްޓްރީގެ ދަށުން ހިންގާ 214 ސްކޫލަކަށް ހަދިޔާކުރި ފޭސް މާސްކާއި 4 ކޮމްޕިއުޓަރ ސިސްޓަމާއި ޑިޖިޓަލް ތާމޯމީޓަރގެ އިތުރުން ސްޕީކަރާއި އިންފޮމޭޝަން ޓެކްނޮލޮޖީއާ ގުޅޭ ތަފާތު ސާމާނެވެ.


advertisement
ރިއެކްޝަންސް
0
0
0
0
0
0
0