ޑިސެމްބަރ މަހުގެ މިހާތަށް 71000 އަށްވުރެ ގިނަ ފަތުރުވެރިން ރާއްޖެ އައިސްފި

މިމަހުގެ މިހާތަނަށް ރާއްޖެއަށް 71000 އަށްވުރެ ގިނަ ފަތުރުވެރިން ޒިޔާރަތްކޮށްފިއެވެ. ޓޫރިޒަމް މިނިސްޓްރީން އާންމުކޮށްފައިވާ ތަފާސްހިސާބުތައް ދައްކާގޮތުން ރާއްޖޭގެ ބޯޑަރު ހުޅުވާލިފަހުން މިހާތަނަށް އެންމެ ގިނަ ފަތުރުވެރިން ރާއްޖެ އައިސްފައިވަނީ މިމަހުއެވެ.

މިނިސްޓްރީގެ މައުލޫމާތައް ބަލާއިރު ޑިސެމްބަރ މަހުގެ 1 ވަނަ ދުވަހުން 25 ވަނަ ދުވަހުގެ ނިޔަލަށް ރާއްޖެއަށް 71،887 ފަތުރުވެރިން ވަނީ ރާއްޖެ އައިސްފައެވެ. އަދި ބޯޑަރު ހުޅުވާލިފަހުން މިހާތަނަށް ރާއްޖެ އައިސްފައިވާ ޖުމްލަ ފަތުރުވެރިންގެ އަދަދަކީ 530،875 އެވެ. މިނިސްޓްރީގެ ތަފާސްހިސާބުތައް ދައްކާގޮތުން މިއަހަރުގެ މިހާތަނަށް ރާއްޖެއަށް ޖުމްލަ 530،875 ފަތުރުވެރިން ވަނީ ރާއްޖެ އައިސްފައެވެ.

advertisement

ބޯޑަރު ހުޅުވާލުމާއިއެކު މިހާތަނަށް އެންމެ ގިނަ އަދަދެއްގެ ފަތުރުވެރިން ރާއްޖެ އައިސްފައިވަނީ ރަޝިއާއިންނެވެ. އެޤައުމުން ރާއްޖެއަށް 26،555 ފަތުރުވެރިން ވަނީ އައިސްފައެވެ. 2 ވަނަ އަށް އެންމެ ގިނަ ފަތުރުވެރިން އައީ އިންޑިއާއިންނެވެ. އެ ޤައުމުން 23،858 ފަތުރުވެރިން ރާއްޖެ އައިސްފައިވާއިރު 16،987 ފަތުރުވެރިންނާއިއެކު 3 ވަނައަށް އެންމެ ގިނަ ފަތުރުވެރިން ރާއްޖެ އައީ އިނގިރޭސިވިލާތުންނެވެ.

ރާއްޖޭގެ ބޯޑަރު އަލުން ހުޅުވާލުމާއި މިހާތަނަށް ފަތުރުވެރިންނަށް ޙިދުމަތްދޭ 501 ފެސިލިޓީއެއް ވަނީ ހުޅުވާފައެވެ. އަދި މިހާތަނަށް 40،363 އެނދު އަންނަނީ އޮޕަރޭޓްކުރަމުންނެވެ.