އިނގިރޭސިވިލާތުން އަންނަ މީހުން ކަރަންޓީނުވާންޖެހޭގޮތައް ބަދަލުގެނެސްފި

އިނގިރޭސިވިލާތުގައި 12 ގަޑި އިރަށް ވުރެ ގިނައިރު ހޭދަކޮށްފައި އަންނަ ދިވެހިންނާއި، ވޯކް ވިސާގައި އަންނަ ބިދޭސީން ރާއްޖެއަށް އައުމަށް ފަހު 10 ދުވަހަށް ކަރަންޓީނުކުރާ ގޮތަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ނިންމައިފި އެވެ. އެޗްޕީއޭއިން މިގޮތައް ނިންމާފައިވަނީ އިނގިރޭސިވިލާތުން ކޯވިޑް-19ގެ އާ ވޭރިއަންޓެއް ފެނި ކޮވިޑްގެ އެ ބާވަތް އެޤައުމުގައި ބާރަށް ފެތުރެމުންދާ ދަނޑިވަޅެއްގައެވެ.

އެޗްޕީއޭން ބުނީ އިނގިރޭސިވިލާތުން އަންނަ ދިވެހިންނާއި ވޯކް ވިސާގައި އަންނަ ބޭރުމީހުން 10 ދުވަހަށް ކަރަންޓީނުކުރުމުގެ އިތުރުން، އެ މީހުން ރާއްޖެއަށް އަންނަތާ ފަސް ދުވަހަށް ފަހު ކޮވިޑަށް ޓެސްޓްކުރާނެ ކަމަށާއި އޭގެ ފަހުން އަނެއްކާ 10 ދުވަހަށް ފަހު ވެސް ޓެސްޓްކުރާނެ ކަމަށެވެ.

advertisement

ރާއްޖެއިން ބޭރުން ރާއްޖެ އަންނަ މީހުން ކަރަންޓީނު ނުކުރާގޮތައް އެޗްޕީއޭއިން ވަރަށް ފަހުން ވަނީ ބަދަލުގެނެސްފައެވެ. އިނގިރޭސިވިލާތުން ފެނުނު ކޯވިޑްގެ އައު ވޭރިއެންޓް މިހާރު ދުނިޔޭގެ ބައެއް އެހެން ޤައުމުތަކުންވެސް ވަނީ ފެނިފައެވެ. މި ވޭރިއަންޓު ފެތުރޭލެއް ހަލުވިވެފައި ކޮންޓްރޯލް ކުރަން އުނދަގޫކަމަށް ކަމާގުޅޭ މާހިރުން ބުނެއެވެ. އެހެންކަމުން ދުނިޔޭގެ ގިނަ ޤައުމުތަކުން ވަނީ އިނގިރޭސިވިލާތުން އެޤައުމުތަކަށް ދަތުރުކުރުންވެސް މަނާކޮށްފައެވެ.