ފިޔަވަޅު މޯލްޑިވްސްއިން އައު އަހަރާއި ދިމާކޮށް ދިވެހިންނަށް ޙާއްސަ ޕެކޭޖްތަކެއް

އައު އަހަރާއި ދިމާކޮށް ފިޔަވަޅު މޯލްޑިވްސްއިން އެ ރިސޯޓުގައި ޗުއްޓީ ހޭދަކުރަން ބޭނުންވާ ފަރާތްތަކަށް ޙާއްސަ ޕެކޭޖްތަކެއް ތައާރަފްކޮށްފިއެވެ. ދިވެހިންނާއި ވަރކް ޕާމިޓް ވިސާގައި ރާއްޖޭގައި މަސައްކަތްކުރާ ފަރާތްތަކަށްވެސް ފިޔަވަޅު މޯލްޑިވްސްގެ މި ޕެކޭޖް ލިބޭނެއެވެ.

އދ. އަތޮޅު މަންދޫގައި ތަރައްޤީކޮށްފައިވާ ފިޔަވަޅު މޯލްޑިވްސް ރިސޯޓްގައި ތަފާރު 5 ކެޓަގަރީއެއްގެ 44 ވިލާ ހުރެއެވެ. މީގެތެރޭގައި ގާރޑަން ވިލާތަކާއި، ޑުލެކްސް ގާރޑަން ވިލާތަކާއި، ބީޗް ވިލާތަކުގެ އިތުރުން ޑުލެކްސް ބީޗް ވިލާތަކުގެ އިތުރުން ޕޫލް ވިލާތައްވެސް ހިމެނެއެވެ.

advertisement

ފިޔަވަޅު މޯލްޑިވްސްއިން އައު އަހަރާއި ދިމާކޮށް ކުރިއަށްގެންދާ ޙާއްސަ ޕްރޮމޯޝަން ޖަނަވަރީ މަހުގެ ނިޔަލަށް ކުރިއަށްދާނެއެވެ. މި ޕްރޮމޯޝަންގެ ތެރެއިން ދިވެހިންނާއި ވަރކް ޕާމިޓް ވިސާގައި ރާއްޖޭގައި މަސައްކަތްކުރާ ފަރާތްތަކަށް ގާރޑަން ވިލާ 100 ޑޮލަރުން ފެށިގެން އަދި ޕޫލް ވިލާ 180 ޑޮލަރުން ފެށިގެން ލިބޭނެއެވެ. މި ޕެކޭޖްތަކުގައި ބްރެކްޕާސްޓް ވެސް ހިމެނޭނެކަމަށް އެ ރިސޯޓުން ބުނެއެވެ.

30 އިންސައްތަ ޑިސްކައުންޓާއިއެކު ހާފްބޯޑް އަދި ފުލްބޯޑް މީލްތަކާއިއެކު ލިބޭނެއެވެ. މީގެ ސަބަބުން އެ ރިސޯޓުން ފަތުރުވެރިންނަށް ފޯރުކޮށްދޭ އެކި ޤައުމުތަކުގެ ކެއުންތަކުގެ ރަހަ ބަލާލުމުގެ ފުރުސަތު ފަތުރުވެރިންނަށް ލިބިގެންދާނެއެވެ. ފުލްބޯޑް މީލްއާއިއެކު ބޮލަކަށް 50 ޑޮލަރުގެ ރޭޓުން ހަވީރުގެ ސަޔަށް ހެދިކާވެސް ލިބޭނެއެވެ. އަދި ހާފްބޯޑް މީލްއެއްގެ އަގު އުޅެނީ ބޮލަކަށް 30 ޑޮލަރުގެ ރޭޓުގައެވެ.

2020 ވަނަ އަހަރު ހިތްފަސޭހަ އަރާމު މާހައުލެއްގައި ނިންމާލަން ބޭނުންވާ ފަރާތްތަކަށް ފިޔަވަޅު މޯލްޑިވްސްއަކީ އެންމެ ރަނގަޅު ހޮވުމަށް ވެގެންދާނެކަމަށް އެ ރިސޯޓުން ބުނެއެވެ. ފިޔަވަޅު މޯލްޑިވްސްގެ އައު އަހަރުގެ ގާލާ ޑިނަރ ގައިވެސް އެ ރިސޯޓަށް ޒިޔާރަތްކުރާ ފަތުރުވެރިންނަށް ބައިވެރިވެވޭނެއެވެ. މި ޑިނަރގައި ބައިވެރިވުމަށް ބޮލަކަށް ނަގާނީ 50 ޑޮލަރެވެ.

އިތުރު މައުލޫމާތު ބޭނުންފުޅުވާނަމަ 6680066 ނަންބަރަށް ގުޅުމުން ނުވަތަ info@fiyavalhumaldives.co މެއިލް ކުރުމުން ލިބިލައްވާނެއެވެ.