މެޑްޓެކް މޯލްޑިވްސް – ސިއްހީ ސާމާނު ފޯރުކޮށްދިނުމުގައި ކާމިޔާބު 12 އަހަރު

މެޑްޓެކް މޯލްޑިވްސްއަށް 12 އަހަރު ފުރިފައިވާއިރު މި ކުންފުންޏަކީ މިއަދު ރާއްޖެއަށް ފުޅާދާއިރާއެއްގައި ސިއްހީ ސާމާނާއި، ބޭސް ސަޕްލައިކުރާ ކުންފުންޏެކެވެ. މެޑްޓެކްއިން ރާއްޖެއަށް ސިއްހީ ސާމާނު ސަޕްލައި ކުރަން ފެށުމުގެ ސަބަބުން ސިއްހީ ދާއިރާގައި މަސައްކަތްކުރާ ފަރާތްތަކަށާއި، ބަލިތަކަށް ފަރުވާ ހޯދާ މީހުންނަށް ވަނީ އިތުބާރާއި ޔަޤީންކަން ލިބިގެންގޮސްފައެވެ.

މެޑިޓެކް މޯލްޑިވްސްއިން ރާއްޖެއަށް ބޭނުންވާ ސިއްހީ ސާމާނު ފޯރުކޮށްދިނުމާއި، ސިއްހީ ދާއިރާއަށް ބޭނުންވާ އެހެނިހެން އެހީތެރިކަން ފޯރުކޮށްދިނުމުގައި ވަނީ 12 އަހަރު ހޭދަކޮށްފައެވެ. އެ ކުންފުނިން މި މަސައްކަތް ކުރަމުންދަނީ ދުނިޔޭގެ މިކަމަށް ކުރިއަރާފައިވާ ޕާޓްނަރުންނާއި ގުޅިގެންނެވެ.

advertisement

މެޑްޓެކް މޯލްޑިވްސްއިން ރާއްޖެއަށް ސަޕްލައިކުރާ ސިއްހީ ބައެއް ސާމާނުގެ ތެރޭގައި ލެބޯރޭޓަރީ އަށް ބޭނުންވާ އެކިއެކި ސާމާނާއި، ސިއްހީ އެކިއެކު ބޭނުންތަކަށް ބޭނުންކުރާ ސާމާނާއި، ހޮސްޕިޓަލްތަކުގައި ބޭނުންކުރާ ފަރުނީޗަރާއި، އޮޕަރޭޝަންކުރަން ބޭނުންކުރާ އެކިއެކި ސާމާނު ހިމެނެއެވެ.

މި ކުންފުނިން މިހާރުވެސް އަންނަނީ ރާއްޖޭގެ ބައެއް ހޮސްޕިޓަލްތަކަށް ބޭނުންވާ ސިއްހީ ސަމާނު ސްޕްލައިކޮށްދެމުންނެވެ. މީގެތެރޭގައި އައިޖީއެމް ހޮސްޕިޓަލާއި، ހުޅުމާލެ ހޮސްޕިޓަލާއި، ވިލިމާލެ ހޮސްޕިޓަލާއި ބައެއް ރީޖަނަލް ހޮސްޕިޓަލްތައްވެސް ހިމެނެއެވެ.

މެޑްޓެކް މޯލްޑިވްސް އުފެދިގެން އައިއިރުވެސް އެ ކުންފުނީގެ އެންމެ ބޮޑު އަމާޒަކަށްވީ، ރާއްޖޭގެ ސިއްހީ ދާއިރާއަށް އިންގިލާބީ ބަދަލުތަކެއް ގެނެސްދިނުމެވެ. މިއީ މީގެ 12 އަހަރު ކުރިން މި ކުންފުނި އުފެއްދިއިރު ހިންގުމާއި ހަވާލުވެތިބި ފަރާތްތަކުގެ އެންމެ ބޮޑު އެއް އަމާޒެވެ.

މެޑްޓެކް މޯލްޑިވްސްގެ ޗީފް އެގްޒެކްޓިވް އޮފިސަރ، ސީއީއޯ އަކީ އަހްމަދު ހައިކަލްއެވެ. ހައިކަލްއަކީ ސިއްހީ ދާއިރާގައި ތަޖުރިބާކާރު ފަރާތެކެވެ. ކުންފުނީގެ މެނޭޖިންގ ޑިރެކްޓަރަކީ މުބާހް ރަފީއުއެވެ. މުބާހުއަކީ ސިއްހީ ދާއިރާގައި 15 އަހަރަށްވުރެ ގިނަދުވަހުގެ ތަޖުރިބާ ލިބިލައްވާފައިވާ ފަރާތެކެވެ. މެޑްޓެކް މޯލްޑިވްސްއިން ފޯރުކޮށްދޭ ޙިދުމަތްތަކަކީ ކަސްޓަމަރުންގެ އިތުބާރާއި ޔަޤީންކަން ލިބިފައިވާ ޙިދުމަތަކަށް ހެދުމަށްޓަކައި މި ޓީމްގައި މަސައްކަތްކުރާ ފަރާތްތަކަކީވެސް މި ދާއިރާގައި ތަޖުރިބާ ލިބިފައިވާ ފަރާތްތަކެކެވެ.