މިއަހަރުވެސް އިތުރު ރިސޯޓްތައް ހުޅުވިގެންދާނެ

މި އަހަރު ރާއްޖޭގައި މުޅިން އަލަށް 15 ރިސޯޓެއް ހުޅުވާނެ ކަމަށް ބެލެވިއްޖެއެވެ.

2020 ވަނަ އަހަރު ހުޅުވަން ތައްޔާރުވެފައިވާ ގިނަ ރިސޯޓްތަކެއްވެސް ކޯވިޑް19 ގެ ސަބަބުން ވަނީ ހުޅުވޭގޮތް ނުވެފައެވެ. އެހެންކަމުން މިދިޔަ އަހަރު ހުޅުވަން ތައްޔާރުވެފައިވާ ރިސޯޓްތައްވެސް މިއަހަރު ހުޅުވާނެކަމަށް ބެލެވެއެވެ.

advertisement

މި އަހަރު ރާއްޖޭގައި އަލަށް ހުޅުވާ ރިސޯޓުތަކުގެ ތެރޭގައި ދުނިޔޭގެ މަޝްހޫރު ހޮޓެލް ޗެއިންތަކުން މެނޭޖުކޮށް ހިންގާނެ އެންމެ މަތީ ފަންތީގެ ގިނަ ރިސޯޓްތައްވެސް ހިމެނެއެވެ. މިއަހަރު ހުޅުވުމަށް ތައްޔާރުވެފައިވާ ރިސޯޓްތަކުގެ ތެރޭގައި ހިމެނެނީ މަޑިފުށި ޕްރައިވެޓް އައިލެންޑް، އެޑްރެސް މަޑިވަރު، ކޮކޯގިރި އައިލެންޑް ރިސޯޓު، ދަ ޗީޑީ ކުޑަވިލިނގިލި، ލެ މެރެޑިއާން މޯލްޑިވްސް ރިސޯޓު އެންޑް ސްޕާ، ޕަޓިނާ މޯލްޑިވްސް ފަރި އައިލެންޑްސް، ރިޒް ކާލްޓަން ފަރި އައިލެންޑްސް، ޒެޒް އެސްކޭޕްސް މޯލްޑިވްސް ރިސޯޓު، މަނިޔަ ފަރު ރިސޯޓު، ގްރެން މެލިއާ ހުރަވީ، އަދި ޓޮލާނޯ މޯލްޑިވްސް ކުނާ ވަށި ރިސޯޓު އެވެ.

ތަފާސް ހިސާބުތައް ދައްކާ ގޮތުން މިދިޔަ އަހަރު ރާއްޖޭގައި ހުޅުވީ ފަސް ރިސޯޓެކެވެ. ޓޫރިޒަމް މިނިސްޓްރީގެ ތަފާސްހިސާބުތައް ދައްކާގޮތުން ރާއްޖޭގައި ރަޖިސްޓްރީކޮށްފައި 158 ރިސޯޓް މިހާރުވެސް އެބައޮތެވެ.