ޚަބަރު

ފަތާ ޓްރެކް ސަރަހައްދުގެ މަސައްކަތް އަންނަ މަހު ނިމޭނެ – ރައީސް

17 ޖެނުއަރީ 2021 - 13:12

މާލޭ ފަތާ ޓްރެކްގައި ހަދާ ސިޑިބަރީގެ މަސައްކަތް މިއަންނަ މަހުގެ ކުރީކޮޅުގައި ނިންމާލެވޭނެކަމަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވިދާޅުވެއްޖެއެވެ. ރައީސް މިހެންވިދާޅުވެފައިވަނީ މާލޭ ކުޅިވަރު އެކުވެނީގެ ސިންތެޓިކް ޓްރެކް ހުޅުވުމުގެ ރަސްމިއްޔާތުގައި ވާހަކަފުޅުދައްކަވަމުންނެވެ.
މާލޭ ފަތާ ޓްރެކްގައި ހަދާ ސިޑިބަރީގެ މަސައްކަތް ހަވާލޮކޮށްފައިވަނީ މާޒިޔާ ކޮންސްޓްރަކްޝަނާއެވެ. ކޯވިޑް19 ގެ ސަބަބުން މަސައްކަތް ކުރުމަށް ލަސްތަކެއް ވަނީ ދިމާވެފައެވެ.
މާލޭ ކުޅިވަރު އެކުވެނީގެ ސިންތެޓިކް ޓްރެކް ހުޅުވުމުގެ ރަސްމިއްޔާތުގައި ވާހަކަފުޅުދައްކަވަމުން ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހު ވިދާޅުވީ ފަތާ ޓްރެކް ސަރަހައްދު ތަރައްޤީކުރުމަށް ކުރިއަށްދާ މަޝްރޫޢު، އިރާދަކުރެއްވިއްޔާ އަންނަ މަހުގެ ކުރީކޮޅު ނިމުމަކަށް އަންނާނެކަމަށެވެ. މިތަން ނިމޭއިރު އެތަނުގައި ހިޔާވެވޭނެ ގޮތް ހުންނާނެކަމަށާއި، އަންހެނުންނާއި ފިރިހެނުންނަށް ވަކިން ޗޭންޖިންގ ރޫމްތަކާއި، ފާޚާނާއާއި، ފެންވަރާނެ ތަންތަން އެތަނުގައި ހުންނާނެކަން ރައީސް ފާހަގަކުރެއްވިއެވެ.
ރައީސުލްޖުމްހޫރިއްޔާ ވިދާޅުވީ މިސަރުކާރުން ގާއިމްކޮށްދޭ ކުޅިވަރުގެ ވަސީލަތްތަކުގެ ބޭނުން ހެޔޮގޮތުގައި ހިފައިގެން، ބައިނަލްއަޤްވާމީ މުބާރާތްތަކުން ރާއްޖެއަށް ރީތި ނަން ހޯދައިދޭނެ ގިނަ ޒުވާނުންތަކެއް އުފެދިގެން ދާނެކަމަށެވެ.

advertisement
ރިއެކްޝަންސް
0
0
0
0
0
0
0