މަނީ ޗޭންޖަރުންގެ އަހަރީ ފީ ޕޭމަންޓް ޕޯޓަލްއިން ދެއްކޭނެ – އެމްއެމްއޭ

ރާއްޖޭގައި މަނީ ޗޭންޖަރުންގެ ގޮތުގައި މިހާރު ހަރަކާތްތެރިވާ ފަރާތްތަކުގެ އަހަރީ ފީ، ޕޭމަންޓް ޕޯޓަލުން ދެއްކޭނެ ކަމަށް މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ބުނެފި އެވެ.
މަރުކަޒީ ބޭންކް، އެމްއެމްއޭއިން ބުނި ގޮތުގައި މި އަހަރު މަނީ ޗޭންޖަރުންގެ ގޮތުގައި ހަރަކާތްތެރިވާ ފަރާތްތަކުން އަހަރީ ފީ ދެއްކުމުގެ މުއްދަތަކީ ޖަނަވަރީ މަހުގެ 17 އިން މާރޗް މަހުގެ 31 ގެ ނިޔަލަށްކަމަށް އެމްއެމްއޭއިން ބުނެއެވެ. މިފީ ޕޯޓަލް މެދުވެރިކޮށް ދެއްކޭނެކަމަށްވެސް އެމްއެމްއޭއިން ވަނީ ބުނެފައެވެ.
އަދި ފީ ދެއްކުމުގެ އިންތިޒާމުތައް ހަމަޖައްސާފައިވާ ގޮތް އިއުލާނު ކުރާނެ ކަމަށް ވެސް އެ އޮތޯރިޓީން ބުނެފައިވެ އެވެ. ރާއްޖޭގައި މަނީ ޗޭންޖަރުންގެ ގޮތުގައި 300 އަށްވުރެ ގިނަ ފަރާތްތަކުން ހަރަކާތްތެރިވެ އެވެ.
އެމްއެމްއޭއިން ވަނީ ވަގުތީގޮތުން މަނީ އެކްސްޗޭންޖް ލައިސަންސް ދިނުންވެސް މެދުކަނޑާލާފައެވެ.

advertisement