ރާއްޖޭގައި 500 ރުފިޔާގެ ވަގު ނޫޓު ދައުރެއް ނުވޭ – އެމްއެމްއޭ

ރާއްޖޭގައި މިވަގުތު 500 ރުފިޔާގެ ވަގު ނޫޓެއް ދައުރުވަމުންނުދާކަމަށް މޯލްޑިވްސް މަނިޓަރީ އޮތޯރިޓީއިން ދެއްވައިފިއެވެ.
އެމްއެމްއޭއިން މިހެން ބުނެފައިމިވަނީ ސޯޝަލް މީޑިއާގައި 500 ރުފިޔާގެ ވަގު ނޫޓެއް ދައުރުވަމުންދާ ކަމަށް ބުނެ ފޮޓޯ އެއް ދައުރު ކުރަމުންދާ ދަނޑިވަޅެއްގައެވެ.
މިކަމާއި ގުޅޭގޮތުން އެމްއެމްއޭއިން ވިދާޅުވީ، ސޯޝަލް މީޑިއާގައި ދައުރުވަމުންދާ ނޫޓު މަރުކަޒީ ބޭންކަށް ގެނެސް ބެލިބެލުމުން އެއީ ސައްޙަ ނޫޓެއް ކަމަށް ދެނެގަނެވިފައިވާ ކަމަށެވެ. އަދި އެނޫޓުގެ ކުލަ ފަނޑުވެފައިވަނީ، އޭގައި ޖެހުނު ކުލައެއް ފިލުވުމަށް ކެމިކަލް ޖެހުމުގެ ސަބަބުން ކަމަށް އެމްއެމްއޭއިން ވިދާޅުވެއެވެ.
މަރުކަޒީ ބޭންކުން ވިދާޅުވީ، ނޫޓުގައި އެހެން ހުރިނަމަވެސް، ނޫޓުގެ ސައްޙަ ކަމާއި މެދު ޝައްކެއް ނެތް ކަމަށެވެ. އަދި މިގޮތަށް އެއްވެސް ނޫޓަކާއި މެދު ޝައްކު އުފެއްދިއްޖެ ހާލަތެއްގައި އެމްއެމްއޭއަށް ގެނެސް އެކަން ސާފު ކުރުމަށް އެއިދާރާއިން ވަނީ އިލްތިމާސް ކޮށްފައެވެ.

advertisement