ނޫސްވެރިކަމުގެ އިނާމު އަންނަ މެއި މަހު

މި އަހަރުގެ ނޫސްވެރިކަމުގެ އިނާމުގެ އެވޯޑް ހަފްލާ އަންނަ މެއި މަހުގެ ތިންވަނަ ދުވަހު ބޭއްވުމަށް ނިންމައިފި އެވެ. މި އަހަރު ދިނުމަށް ނިންމާފައިވަނީ 2020 ވަނަ އަހަރުގެ އިނާމެވެ. މިއީ މޯލްޑިވްސް މީޑިއާ ކައުންސިލުން ދެމުން އަންނަ އެވޯޑެކެވެ.

މެއި މަހުގެ ތިންވަނަ ދުވަހަކީ ނޫސްވެރިކަމުގެ މިނިވަން ކަމުގެ ދުވަހެވެ. 2015 ވަނަ އަހަރު ދޭން ފެށި މި އެވޯޑް ހަފްލާތައް ގިނައިން ބާއްވާފައިވަނީ މެއި މަހުގެ ތިންވަނަ ދުވަހުއެވެ. ނަމަވެސް މިދިޔަ އަހަރު އެވޯޑް ހަފްލާ ބޭއްވީ ޑިސެމްބަރ މަހުއެވެ.
މީޑިއާ ކައުންސިލުން ބުނީ އެ ކައުންސިލުން ބޭއްވި ބައްދަލްވުމުގައި “ނޫސްވެރިކަމުގެ އިނާމު 2020” މެއި މަހުގެ ތިންވަނަ ދުވަހު ދިނުމަށް ނިންމާފައިވާ ކަމަށެވެ. ނޫސްވެރިކަމުގެ އިނާމަކީ ނޫސްވެރިންގެ މަސަކަތްތައް ހިތްވަރު ދިނުމުގެ ގޮތުން ބާއްވާ އެވޯޑް ހަފްލާއެކެވެ. ނޫސްވެރިކަމުގެ އިނާމު ގިނަ ކެޓަގަރީތަކަކުން ދެއެވެ. އެގޮތުން ޓީވީއާއި އޮންލައިންއަށް ވަކިންވެސް ނޫސްވެރިކަމުގެ އިނާމު މިހާރު އަންނަނީ ދެމުންނެވެ. އަދި ވަކިވަކި ދާއިރާތަކުންވެސް މި އެވޯޑް ދެއެވެ.

advertisement