ރާއްޖެ އިޝްތިހާރުކުރުމަށް ޓްރިޕް އެޑްވައިޒަރ އާއިއެކު އެމްއެމްޕީއާރުސީން ކެމްޕެއިނެއް

ކޯވިޑް-19 ފެތުރޭ މިންވަރު އިތުރުވަމުން ދާތީ އޭޑީކޭ ހޮސްޕިޓަލުގެ ބައެއް ޚިދުމަތްތަކަށް ބަދަލުގެނެސްފިއެވެ.
މިބަދަލުތައް ނެގައީ ކޯވިޑް-19 ފެތުރެމުންދާ މިންވަރު އަނެއްކާވެސް އިތުރުވަމުންދިއުމާއެކު އެހޮސްޕިޓަލުގެ ބައެއް މުވައްޒަފުން ކަރަންޓީނުގައި ބައިތިއްބަން ޖެހިފައިވާތީކަމަށް އޭޑީކޭއިން ވިދާޅުވެއެވެ.
އޭޑީކޭ ހޮސްޕިޓަލުން ނެރުނު ބަޔާނެއްގައި ބުނެފައިވަނީ ޖަނަވަރީ 30 ވަނަ ދުވަހުން ފެށިގެން އެހޮސްޕިޓަލުގެ ހުރިހާ އޯޕީޑީ ކޮންސަލްޓޭޝަން ތައް އޮންލައިންކޮށް ކުރިއަށް ގެންދާގޮތަށް ބަދަލުކޮށްފައިވާކަމަށެވެ. އަދި އިލެކްޓިވް ސާރޖަރީތައް މިވަގުތައް މެދުކަނޑާލައި، ބަލިމީހުން އެޑްމިޓްކުރުންވެސް ވަނީ މެދުކަނޑާލާފައެވެ. އަދި ބަލިމީހުންނަށް ޒިޔާރަތްކުރުންވެސް އެ ހޮސްޕިޓަލުން ވަނީ މިވަގުތައް މަނާކޮށްފައެވެ.
ހޮސްޕިޓަލުގެ އިމަރޖެންސީގެ ޚިދުމަތްތަކާއި އިމަރޖެންސީގައި އެޑިމިޓްކޮށްގެން ދޭންޖެހޭ ޚިދުމަތްތަކާއި ޑައިގްނޯސްޓިކް ޚިދުމަތްތައް ކުރިޔަށް ގެންދިއުމަށް ނިންމާފައިވާކަމަށް އޭޑީކޭގެ ބަޔާނުގައި ވަނީ ބުނެފައެވެ.
އައު އަހަރު ފެށުމާއިއެކު މިހާރު ރާއްޖޭގައި ކޯވިޑް19 ފެތުރޭ މިންވަރު ވަނީ އިތުރުވެފައެވެ. މާލޭގެ އިތުރުން އަތޮޅުތެރޭގެ ރަށްރަށުންވެސް މިހާރު މި ބަލި ދަނީ ފެންނަމުންނެވެ. މިއާއިއެކު މާލެ ސަރަހައްދަށް އަލުން ވަނީ ކާފިއު އިއުލާންކޮށްފައެވެ.