މިއަހަރުގެ މިހާތަނަށް ރާއްޖެއައި ފަތުރުވެރިންގެ އަދަދު 116000 އިން މައްޗަށް!

މިއަހަރުގެ މިހާތަނަށް ރާއްޖެއަށް 116000 އަށްވުރެ ގިނަ ފަތުރުވެރިން ޒިޔާރަތްކޮށްފިއެވެ. ޓޫރިޒަމް މިނިސްޓްރީގެ ތަފާސްހިސާބުތައް ދައްކާގޮތުން މިހާރު ރާއްޖޭގެ ފަތުރުވެރިކަން އަލުން ކުރިއަރައި ރާއްޖެ އަންނަ ފަތުރުވެރިންގެ އަދަދުތައް އަންނަނީ އިތުރުވަމުންނެވެ.

މިއަހަރުގެ މިހާތަނަށް ރާއްޖެ އައިސްފައިވަނީ 116،881 ފަތުރުވެރިންކަމަށް ޓޫރިޒަމް މިނިސްޓްރީގެ ތަފާސްހިސާބުތަކުން ދައްކައެވެ. މީގެތެރޭގައި ހިމެނެނީ ޖަނަވަރީ މަހު ރާއްޖެއައި 92،103 ފަތުރުވެރިންނާއި ފެބްރުއަރީ މަހުގެ ފުރަތަމަ 8 ދުވަހު ރާއްޖެއައި 24،778 ފަތުރުވެރިންނެވެ.

advertisement

2020 ވަނަ އަހަރުގެ ޖަނަވަރީ މަހާއި އަޅާބަލާއިރު މިއަހަރުގެ ޖަނަވަރީ މަހު ރާއްޖެއައި ފަތުރުވެރިންގެ ނިސްބަތް ވަނީ 47 އިންސައްތަ ދަށްވެފައެވެ. ނަމަވެސް ފެބްރުއަރީ މަހުގެ ފުރަތަމަ 8 ދުވަހު ރާއްޖެއައި ފަތުރުވެރިންގެ ނިސްބަތް މިދިޔަ އަހަރާއި އަޅާބަލާއިރު މިއަހަރު އުޅެނީ އެންމެ 37 އިންސައްތަ ދަށުގައެވެ. އެހެންކަމުން މިއީ ރާއްޖޭގެ ފަތުރުވެރިކަން ކުރިން އޮތް ހާލަތައް ދާކަމުގެ ފެހި ސިގްނަލެކެވެ.

މިއަހަރުގެ މިހާތަނަށް ރާއްޖެއަށް އެންމެ ގިނައިން ފަތުރުވެރިން އައިސްފައިވާ ޤައުމުތައް:

ރަޝިއާ: 26،188 ފަތުރުވެރިން

އިންޑިއާ: 24،865 ފަތުރުވެރިން

ޔޫކްރެއިން: 8،739 ފަތުރުވެރިން

ކަޒަކިސްތާން: 5657 ފަތުރުވެރިން

ރޯމޭނިއާ: 5282 ފަތުރުވެރިން

ޖަރުމަނުވިލާތް: 4424 ފަތުރުވެރިން

ފަރަންސޭސިވިލާތް: 4038 ފަތުރުވެރިން

އިނގިރޭސިވިލާތް: 3010 ފަތުރުވެރިން

ޗެކް ރިޕަބްލިކް: 2845 ފަތުރުވެރިން

ސްވިޒަލޭންޑް: 2737 ފަތުރުވެރިން

ރާއްޖޭގައި ފަތުރުވެރިންނަށް ޙިދުމަތްދޭ 633 ތަނެއް ހުޅުވައި ފަތުރުވެރިންނަށް މިހާރު އަންނަނީ ހިދުމަތްދެމުންނެވެ. މީގެތެރޭގައި ރިސޯޓް، ގެސްޓްހައުސް އަދި ސަފާރީތައް ހިމެނެއެވެ.