އެސްޖޭ ކޮންސްޓްރަކްޝަންއަށް 25 އަހަރު، އިމާރާތްކުރުމުގެ ސިނާއަތުގައި މަޤްބޫލު ނަމެއް!

ރާއްޖޭގައި އިމާރާތްކުރުމުގެ ސިނާއަތުގައި ގިނަ ދުވަހު މަސައްކަތްކޮށްފައިވާ އިތުބާރު ހޯދާފައިވާ އެސްޖޭ ކޮންސްޓްރަކްޝަންއަށް މިއަހަރު 25 އަހަރު ފުރޭނެއެވެ.

އިމާރާތްކުރުމުގެ ސިނާއަތައް އެސްޖޭ ކޮންސްޓްރަކްޝަން ވަނީ ކުޑަގޮތަކަށެވެ. އެއީ 1996 ގައެވެ. ފާއިތުވި ދިގު މުއްދަތުގައި އެސްޖޭ ކޮންސްޓްރަކްޝަނުން ވަނީ އިމާރާތްކުރުމުގެ ސިނާއަތުގައި ގިނަ ގޮންޖެހުންތަކަކާއި ކުރިމަތިލާ ބޮޑެތި ކާމިޔާބީތަކެއް ހޯދާފައެވެ. އޭގެތެރޭގައި އިމާރާތްކުރުމުގެ ސިނާއަތުގެ މަސައްކަތްތަކާއި، އިންޖިނިއަރިން މަސައްކަތްތައްވެސް ހިމެނެއެވެ.

advertisement

ފާއިތުވި އަހަރުތަކުގައި އެސްޖޭ ކޮންސްޓްރަކްޝަނުން ވަނީ ކުންފުނީގެ ވިޔަފާރިވެސް ފުޅާކޮށްފައެވެ. އެގޮތުން އެ ކުންފުނީގެ ދަށުން 2017 ވަނަ އަހަރު ވަނީ އެސްޖޭ ހާރޑްވެއަރ އަދި އެސްޖޭ އެލުމިނިއަމް ހުޅުވާފައެވެ.

އެސްޖޭ ކޮންސްޓްރަކްޝަން ހިންގުމުގައި އެންމެ އިސްކޮށް ހަރަކާތްތެރިވަނީ މުޙައްމަދު ޝާހިދުއެވެ. މިއީ އިމާރާތްކުރުމުގެ ސިނާއަތުގައި މަޤްބޫލު ނަމެކެވެ. ޝާހިދުއަކީ އިމާރާތްކުރުމުގެ ސިނާއަތުގެ 25 އަހަރުގެ ތަޖްރިބާ ލިބިވަޑައިގެންހުންނެވި ބޭފުޅެކެވެ. އަދި އެސްޖޭ ކޮންސްޓްރަކްޝަން މިއަދު މިދެކޭ ކާމިޔާބީގެ އަސްލަކީވެސް ޝާހިދުއެވެ.

މީގެއިތުން އުސްތާޒު ޝިހާދު އިބްރާހީމްއަކީވެސް އިމާރާތްކުރުމުގެ ސިނާއަތުގައި ތަޖުރިބާހުންނެވި ބޭފުޅެކެވެ. އަދި އޭނާއަކީ ޕްރޮފެޝަނަލް ލޯޔަރެއްވެސްމެއެވެ. އެސްޖޭ ކުންފުނީގެ އޮޕަރޭޝަނުގައި ޝިހާދުގެ ހިއްސާބޮޑެވެ. އޭނާއަކީ އިމާރާތްކުރުމުގެ ސިނާއަތުގައި 15 އަހަރަށްވުރެ ގިނަދުވަސް ތަޖުރިބާ ލިބިފައިވާ ބޭފުޅެކެވެ.

އެސްޖޭ ކޮންސްޓްރަކްޝަންގެ ތާރީހުގައި އެ ކުންފުނިން ވަނީ ރާއްޖޭގައި އިމާރާތްކުރުމުގެ ސިނާއަތުގެ ބޮޑެތި މަޝްރޫއުތަކެއް ހިންގާފައެވެ. މީގެތެރޭގައި ދާދިފަހުން ހުޅުމާލޭގައި ހުޅުވި އެން1 ހުޅުމާލެ ޕޮލިސް ސްޓޭޝަންއާއި، ރ. އުނގޫފާރު އިސްލާމިކް ސެންޓަރު ހިމެނެއެވެ.

ރައްޔިތުންގެ މަޖިލީހުގައި ކޮންސްޓްރަކްޝަން ބިލަށް ދާއިރާގެ ފަރާތްތަކުގެ ހިޔާލާއި މަޝްވަރާ ހޯދުމަށްވެސް އެސްޖޭ ކޮންސްޓްރަކްޝަންގެ ޗީފް އެންޖީނިއަރ ބައިވެރިވެވަޑައިގެން ވަނީ ބިލަށް ހިޔާލު ދެއްވާފައެވެ.