ވިޒިޓް މޯލްޑިވްސްއިން އޭވިއާރެޕްސް ވާރޗުއަލް އިވެންޓުގައި ބައިވެރިވެއްޖެ

ވިޒިޓް މޯލްޑިވްސްއިން އޭވިއާރެޕްސް ވާރޗުއަލް އިވެންޓުގައި ބައިވެރިވެއްޖެއެވެ.

މި އިވެންޓް ކުރިއަށްދާނީ2 ދުވަހުގެ ނިޔަލަށެވެ. މި ވާރޗުއަލް އިވެންޓަކީ ޖަރުމަންވިލާތް، ސުވިޓްޒަރލެންޑް އަދި އޮސްޓްރިއާގެ ބީޓުބީ ޓްރެވަލް ޓްރޭޑާއި ބައްދަލުކޮށްލަން ލިބޭ ފުރުޞަތެއްކަމަށް އެމްއެމްޕީއާރުސީން ބުނެއެވެ. މި އިވެންޓުގެ ތެރެއިން ޖަރުމަންވިލާތުގެ ޓުއާ އޮޕަރޭޓަރުންނާއި އެއަރލައިންސް، ޝިޕިންގ ކުންފުނި، 12 ގްލޯބަލް ޑެސްޓިނޭޝަން އަދި ދުނިޔޭގެ އެހެނިހެން ފަތުރުވެރިކަމުގެ ސިނާއަތުގެ އެތަކެއް ޕާޓްނަރުންނާއި ބައްދަލުވުމުގެ ފުރުޞަތު ލިބިގެންދިޔަކަމަށް އެމްއެމްޕީއާރުސީން ބުނެއެވެ. އަދި މިޕްލެޓްފޯމްގައި ފެއާއަށް ޒިޔާރަތްކުރާ ފަރާތްތައް ޝަޢުޤުވެރިކަން އުފެއްދުމަށްޓަކައި ޚާއްސަ އެވެޓާއެއްގެ ޒަރިއްޔާއިން ވާހަކަދައްކައި ތަފާތު އެހެނިހެން ހަރަކާތްތައް ކުރިއަށްގެންދިޔައެވެ.

advertisement

ވިޒިޓް މޯލްޑިވްސްއިން މި އިވެންޓުގައި ބައިވެރިވެ އެކި ޓްރެވަލް ޓްރޭޑް ކުންފުނިތަކާއި ބައްދަލުކޮށް ކޯވިޑްއިން ރައްކާތެރިވުމަށްޓަކައި އެޅިފައިވާ ހަރުދަނާ ފިޔަވަޅުތަކާއި ދިވެހިރާއްޖެ ގުދުރަރީގޮތުން ވަކި ރަށްތަކެއްގެ ގޮތުގައި އުފެދިފައި އޮތުމުގެ ސަބަބުން ދިވެހިރާއްޖެ އަކީ ފަތުރުވެރިން ޗުއްޓީ ހޭދަކުރުމަށް އެންމެ ރައްކާތެރި އަދި ހިތްޤާޢިމު މަންޒިލަށް ވާ ސަބަބުވެސް ވަނީ ބުނެދީފައެވެ. މިގޮތުން އިވެންޓުގައި ދިވެހިރާއްޖެ އިޝްތިހާރުކޮށްފައިވަނީ “ސޭފް ހޭވަން” އެއްގެ ގޮތުގައިކަމަށް އެމްއެމްޕީއާރުސީން ބުނެއެވެ.