ލިޔެކިޔުން ނެތި އުޅޭ ބިދޭސީން ވެކްސިން ޖެހުމަށް ރަޖިސްޓްރީވާން ހުޅުވާލައިފި

ލިޔެކިޔުން ނެތި ރާއްޖޭގައި ދިރިއުޅޭ ބިދޭސީން ކޮވިޑް-19 ވެކްސިން ޖެހުމަށް ރެޑް ކްރެސެންޓުގައި ރަޖިސްޓްރީވާން ހުޅުވާލައިފި އެވެ.

ރެޑް ކްރެސެންޓުން ބުނީ ވޯކް ޕާމިޓާއި އެހެނިހެން ލިޔެކިޔުން ނެތް ބިދޭސީންނަށް ވެކްސިން ޖެހޭނީ ރެޑް ކްރެސެންޓްގެ ބެނެފިޝަރީ ސިސްޓަމްގައި ރެޖިސްޓާވެގެންނެވެ. އެހެންކަމުން މި ސިސްޓަމުގައި އެފަދަ ބިދޭސީން ރަޖިސްޓްރީވުމަށް ވަނީ ގޮވާލާފައެވެ.

advertisement

މޯލްޑިވްސް ރެޑްކްރެސެންޓުން ބުނީ ވޯކް ޕާމިޓާއި އެހެނިހެން ލިޔެކިޔުން ނެތް ބިދޭސީން ރެޖިސްޓާވާން ޖެހޭނީ ރެޑް ކްރެސެންޓްގެ މާލޭ ގޮފީގެ މައިގްރަންޓް ސަޕޯޓު ސެންޓަރުގެ ނަމްބަރު 3307665 އަށް ގުޅައިގެންނެވެ. ހުކުރު ދުވަސް ފިޔަވައި ހުރިހާ ދުވަހަކު ހެނދުނު 10:00އިން ހަވީރު 5:00އަށް އެތަނުން ހިދުމަތް ދޭނެއެވެ.

ލިޔެކިޔުންތަކާ އެކު، ގަވާއިދާ އެއްގޮތަށް ރާއްޖޭގައި ދިރިއުޅޭ ބިދޭސީންނަށް އެޗްޕީއޭގެ ވެކްސިނޭޝަން ޕޯޓަލްގައި ރަޖިސްޓާވެގެން ވެކްސިން ޖެހޭނެ އިންތިޒާމް ވަނީ ހަމަޖައްސާފައެވެ.