ރާއްޖޭގައި 90،000 އަށްވުރެ ގިނަ މީހުން ވެކްސިން ޖަހައިފި

ރާއްޖޭގައި މިހާތަނަށް 90،000 އަށްވުރެ ގިނަ މީހުން ކޯވިޑް19 ވެކްސިން ޖަހައިފިއެވެ.
ހެލްތް ޕްރޮޓެކްޝަން އެޖެންސީ، އެޗްޕީއޭއިން އާންމުކޮށްފައިވާ ތަފާސްހިސާބުތައް ދައްކާގޮތުން ވޭތުވެދިޔަ 24 ގަޑިއިރުގެ ތެރޭގައި ރާއްޖޭގައި ކޯވިޑް ވެކްސިން ޖަހާފައިވާ މީހުންގެ އަދަދަކީ 5،755 އެވެ. އެއީ މާލެ ސަރަހައްދުން ވެކްސިން ދިން 3،123 މީހަކާއި އަތޮޅުތަކުން ވެކްސިން ދިން 2،632 މީހެކެވެ.

މިހާތަނަށް މާލެ ސަރަހައްދުން 64،900 މީހަކަށް ވަނީ ކޮވިޑް ވެކްސިން ދީފައެވެ. އަދި އަތޮޅުތަކުން 25،965 މީހަކަށް ވެކްސިން ދީފައިވެއެވެ. މިއާއިއެކު ރާއްޖެއިން ވެކްސިން ޖެހި މީހުންގެ ޖުމްލަ އަދަދު ވަނީ 90،865 އަށް އަރާފައެވެ.

advertisement

25 އަހަރުން މަތީގެ ކޮންމެ މީހަކަށްވެސް ވެކްސިން ޖެހުމުގެ ފުރުސަތު މިހާރު ވަނީ ހުޅުވާލާފައެވެ. އަދި 18 އަހަރުން މަތީގެ ދާއިމީ ބަލިތަކަށް ފަރުވާ ހޯދަމުންދާ މީހުންނަށްވެސް ވެކްސިން ދޭން ވަނީ ފަށާފައެވެ.
މާލޭ ސިޓީގައި އޭޑީކޭގެ އާއި ހުޅުމާލޭ ހޮސްޕިޓަލާއި ޓްރީޓޮޕް ހޮސްޕިޓަލާއި ވިލިމާލޭ ހޮސްޕިޓަލުގައި ވެކްސިން ޖެހުމުގެ އިންތިޒާމް ވަނީ ހަމަޖައްސާފައެވެ. އަދި ސޯޝަލް ސެންޓަރާއި ހުޅުމާލެ ވެކްސިން ސެންޓަރުން ދަނީ ވެކްސިން ޖަހައިދެމުންނެވެ.