ވެކްސިން ދޭންފެށިތާ މަސްދުވަސް ނުވެ ލައްކައަށްވުރެ ގިނަ މީހުން ވެކްސިން ޖަހައިފި

ރާއްޖޭގައި ކޯވިޑް19 ވެކްސިން ޖެހި މީހުންގެ އަދަދު ލައްކައަކަށްވުރެ މައްޗަށް އަރައިފިއެވެ.

އެޗްޕީއޭ އިން އަންމުކުރި ތަފާސްހިސާބުތަކަށް ބަލާއިރު މިހާތަނަށް ރާއްޖެއިން ޖުމްލަ 105،492 މީހުން ވަނީ ވެކްސިންގެ ފުރަތަމަ ޑޯޒް ޖަހާފަ އެވެ. އޭގެ ތެރެއިން 72،872 މީހުންނަކީ މާލެ ސަރަހައްދުން ވެކްސިން ޖެހި މީހުންނެވެ. އަތޮޅުތަކުން ވެކްސިން ޖަހާފައިވަނީ 32،620 މީހުންނެވެ.

advertisement

ފާއިތުވި 24 ގަޑިއިރުގެ ތެރޭގައި ރާއްޖެއިން ވެކްސިން ޖެހި މީހުންގެ ޖުމްލަ އަދަދަކީ 6،073 އެވެ. އެއީ މާލެއިން 3،147 މީހުންނާއި އަތޮޅުތަކުން 32،620 މީހުންނަށެވެ.

މާލޭގައި މިވަގުތު ނުވަ ސެންޓަރެއްގައި ވެކްސިން ދެމުން އަންނަ އިރު، އަތޮޅުތެރޭގައި 169 ތަނެއްގައި ދަނީ ވެކްސިން ޖަހަމުންނެވެ. ރާއްޖޭގައި ކޯވިޑް19 އަށް ވެކްސިން ޖަހަން ފަށާފައިވަނީ މިމަހުގެ 1 ވަނަ ދުވަހުއެވެ.

ރާއްޖޭގައި ދެމުން އަންނަނީ އިންޑިއާ އިން ހަދިޔާ ކުރި އޮކްސްފޯޑް-އެސްޓްރާޒެކެނާ ކޮވިޝީލްޑް ވެކްސިން އެވެ. ރާއްޖޭގައި އަދި ދޭނީ ވެކްސިންގެ ފުރަތަމަ ޑޯޒްއެވެ.