ޙިދުމަތްދޭ ތަންތަން އެޗްޕީއޭގެ މިންގަޑުތަކާއި ހިލާފުވާނަމަ 24 ގަޑިއިރަށް ބަންދުކުރަނީ

ޢާއްމު ޚިދުމަތްދޭ ތަންތަން ހެލްތު ޕްރޮޓެކްޝަން އެޖެންސީ، އެޗްޕީއޭގެ މިންގަނޑަށް ހިލާފުވާނަމަ ޖޫރިމަނާކުރުމުގެ ބަދަލުގައި އެތަންތަން 24 ގަޑިއިރަށް ބަންދުކުރުމަށް ނިންމަފައިފިއެވެ. ކޮވިޑް-19 ގެ ހާލަތުގައި އެޗްޕީއޭއިން އަޅާފައިވާ ރައްކާތެރިކަމުގެ މިންގަނޑުތަކާއި އެއްގޮތަށް އާންމު ޚިދުމަތް ދޭ ތަންތަނުން އަމަލްކުރޭތޯ ބެލުމަށް ކުރިޔަށް ގެންދާ މާސް އިންސްޕެކްޝަންގެ 5ވަނަ ބުރު ވަނީ މިދިޔަ މަހުގެ ތެރޭގައި ފަށާފައެވެ.

ހެލްތު އެމަރޖެންސީ އޮޕަރޭޝަން ސެންޓަރުގައި ބޭއްވި ނޫސްވެރިންގެ ބައްދަލުވުމުގައި އެޗްޕީއޭގެ ޑިރެކްޓަރ އަޙްމަދު ނާޞިރު ވިދާޅުވީ ކޯވިޑް-19ގެ ސަބަބުން ޢާއްމު ޚިދުމަތްދޭ ތަންތަން އެޗްޕީއޭގެ މިންގަނޑަށް ފެތޭތޯ ބެލުމަށްޓަކައި ކުރިއަށްގެންދާ މާސް އިންސްޕެކްޝަންގެ މަރުހަލާގައި، މިންގަޑުތަކާއި ހިލާފުވާ ތަންތަން ޖޫރިމާނާ ކުރުމުގެ ބަދަލުގައި 24 ގަޑިއިރަށް ބަންދުކުރަން ނިންމާފައިވާކަމަށެވެ. އަދި ކުރިއަށްއޮތް ތަނުގައި އުޞޫލާ ޚިލާފުވާ ތަންތައް ބަންދުކުރާނެކަމަށް އޭނާ ވިދާޅުވިއެވެ. މީގެ އިތުރުން ޚިދުމަތް ދޭ ތަންތަނުގައި މަސައްކަތް ކުރާ ފަރާތްތަކާއި މިފަދަ ތަންތަނުން ހިދުމަތް ހޯދާ ފަރާތްތަކުން މާސްކް ނާޅާނަމަ ޖޫރިމަނާ ކުރުމަށް ނިންމާފައިވާކަމަށް އޭނާ ވިދާޅުވިއެވެ.

advertisement

މިފަހަރުގެ އިންސްޕެކްޝަންގައިވެސް ބަލަމުންގެންދާނީ ކެފޭ ރެސްޓޯރެންޓުތަކާއި ކެންޓީން ފަދަ ތަންތަން ހިންގުމުގައި އެޗްޕީއޭއިން ކަނޑައަޅާފައިވާ ރައްކާތެރިކަމުގެ މިންގަނޑުތަކަށް އަމަލުކުރާ މިންވަރެވެ. ޚިދުމަތްދޭ ތަންތަނުގައި ގައިދުރުކަން ކަށަވަރުކުރެވޭނެ ގޮތަށް އިންތިޒާމުކޮށްފައި ހުރިތޯއާއި، މާސްކު އެޅުމަށް ބާރުއަޅާ މިންވަރާއި، އަތްދޮވުމާއި ހޭންޑް ސެނިޓައިޒާ ބޭނުންކުރެވޭނެ އިންތިޒާމުތައް ހަމަޖެހިފައިވޭތޯވެސް މި އިންސްޕެކްޝަންގެ ތެރެއިން ބަލާނެއެވެ.