ޚަބަރު

ކޮމިއުނިކޭޝަންސް، ސައިންސް އެންޑް ޓެކްނޮލަޖީ ހިންގުން ވަގުތީގޮތުން މިނިސްޓަރ ފައްޔާޒުއަށް

2 މާޗް 2021 - 15:20

މިނިސްޓަރ އޮފް ކޮމިއުނިކޭޝަންސް، ސައިންސް އެންޑް ޓެކްނޮލަޖީ ވަގުތީގޮތުން ހިންގެވުމާ، އިކޮނޮމިކް މިނިސްޓަރ އަލްއުސްތާޛު ފައްޔާޒު އިސްމާޢީލާ ޙަވާލު ކުރައްވައިފިއެވެ.

މިނިސްޓަރ ފައްޔާޒު އިސްމާޢީލާ މިނިސްޓްރީ ހިންގެވުން ޙަވާލުކުރައްވާފައިވަނީ އެމަޤާމުގައި ހުންނެވި މުޙައްމަދު މަލީހު ޖަމާލުގެ އިތުބާރު ނެތްކަމަށް މަޖިލީހުން އިއްޔެ ފާސް ކުރުމާ ގުޅިގެންނެވެ.

advertisement

މިނިސްޓަރ މަލީހުގެ އިތުބާރު ނެތްކަމުގެ މައްސަލަ މަޖިލީހަށް ވައްދާފައިވަނީ އެމްޑީޕީގެ ޕާލިމަންޓްރީ ގްރޫޕްގެ ލީޑަރު އަދި މެދު ހެންވޭރު ދާއިރާގެ މެމްބަރު ޢަލީ ޢާޒިމްއެވެ. މަލީހުގެ އިތުބާރު ނެތްކަމަށް މަޖިލީހުން ފާސްކުރީ ވޯޓްގައި ބައިވެރިވެވަޑައިގެންނެވި 59 މެންބަރުންގެ އަޣުލަބިއްޔަތުންނެވެ. ދެކޮޅަށް ވޯޓު ދެއްވީ އެންމެ މެންބަރެކެވެ.

މަލީހު މަގާމުން ވަކިކުރީ މިނިސްޓަރުގެ މައްޗަށް ކުރަން މަތިކޮށްފައިވާ ކަންތައްތައް ނުކުރެވޭތީކަމަށް ރައްޔިތުންގެ މަޖިލީހުގެ ބައެއް މެންބަރުން ވަނީ ވިދާޅުވެފައެވެ. ޙާއްސަކޮށް އިންޓަނެޓްގެ އަގު ހެޔޮކުރަން މި ސަރުކާރުން ވެފައިވާ ވައުދު މިހާތަނަށްވެސް މަލީހަށް ފުއްދިފައި ނުވާކަމަށް މެންބަރުން ވަނީ ވިދާޅުވެފައެވެ.

ރިއެކްޝަންސް
0
0
0
0
0
0
0