އިންކަމް ސަޕޯޓް އެލަވަންސްގެ ގޮތުގައި 292.8 މިލިއަން ރުފިޔާ ދޫކޮށްފި

އިންކަމް ސަޕޯޓް އެލަވަންސްގެ ގޮތުގައި މިހާތަނަށް 292.8 މިލިއަން ރުފިޔާ ދޫކޮށްފައިވާކަމަށް ފިނޭންސް މިނިސްޓްރީން ހާމަކުރައްވައިފިއެވެ.

ފިނޭންސް މިނިސްޓްރީން އާންމުކޮށްފައިވާ ތަފާސްހިސާބުތައް ދައްކާގޮތުން ފެބްރުއަރީ މަހުގެ 25 ވަނަ ދުވަހާއި ހަމައަށް އިންކަމް ސަޕޯޓް އެލަވަންސްގެ ގޮތުގައި 292.8 މިލިއަން ރުފިޔާ ވަނީ ދޫކޮށްފައެވެ. މިއީ ޖުމްލަ 18534 މީހަކަށް ދޫކޮށްފައިވާ އެލަވަންސްއެވެ.

advertisement

އިންކަމް ސަޕޯޓް އެލަވަންސްއަކީ ކޯވިޑް19 އާއި ގުޅިގެން އާމްދަނީއަށް އަސަރުކޮށްފައިވާ ފަރާތްތަކަށް ސަރުކާރުން ދޫކުރާ އެލަވަންސްއެކެވެ. އިންކަމް ސަޕޯޓް އެލަވަންސްއަށް އެދި ހުށައެޅުމުގެ އެންމެ ފަހު މަހަކީ މިދިޔަ ޑިސެމްބަރމަހެވެ. އެހެންކަމުން މިހާރު އެލަވަންސް ދޫކުރަމުންދަނީ ޑިސެމްބަރ މަހު އެލަވަންސްއަށް އެދިފައިވާ ފަރާތްތަކަށެވެ.

ކޯވިޑް19 ގެ ދަނޑިވަޅުގައި ސަރުކާރުން އިންކަމް ސަޕޯޓް އެލަވަންސް ދޫކުރުމުގެ ސަބަބުން ގިނަ ބަޔަކަށް އެމީހުންގެ ޒަރޫރީ ބޭނުންތައް ފުއްދުމަށް ފަސޭހަވެގެންދިޔައެވެ. ސަބަބަކީ ކޯވިޑް19 ގެ ސަބަބުން ގިނަ ބައެއްގެ ވަޒީފާ ގެއްލި އާމްދަނީ ލިބޭނެ މަގު ބަންދުވުމުގެ ސަބަބުންނެވެ.