އަހަރުގެ މިހާތަނަށް އިމްޕޯޓް ޑިއުޓީގެ ގޮތުގައި ލިބުނު އާމްދަނީ ދަށް

މި އަހަރު އިމްޕޯޓް ޑިއުޓީގެ ގޮތުގައި ލިބުނު އާމްދަނީ 53 އިންސައްތަ ދަށް ވެއްޖެ އެވެ. އިމްޕޯޓް ޑިއުޓީގެ ގޮތުގައި މިއަހަރު ލިބުނު އާމްދަނީ ދަށްވެފައިވަނީ ކޮވިޑް-19ގެ ސަބަބުން ރާއްޖޭގެ އިގްތިސޯދު ހީނަރުވެފައިވުމުގެ ސަބަބުންނެވެ.

ފިނޭންސް މިނިސްޓްރީން އާންމުކޮށްފައިވާ ތަފާސްހިސާބުތައް ދައްކާގޮތުން މިދިޔަ މަހުގެ 25 ވަނަ ދުވަހުގެ ނިޔަލަށް އިމްޕޯޓް ޑިއުޓީންގެ ގޮތުގައި އާމްދަނީއަށް ލިބިފައިވަނީ 240.4 މިލިއަން ރުފިޔާ އެވެ. ނަމަވެސް އޭގެ ކުރީ އަހަރު އިމްޕޯޓް ޑިއުޓީގެ ގޮތުގައި ދައުލަތައް ލިބިފައިވަނީއ 521.4 މިލިއަން ރުފިޔާއެވެ. އެހެންކަމުން މިއީ 281 މިލިއަން ރުފިޔާގެ ދަށްވުމެކެވެ.

އިމްޕޯޓް ޑިއުޓީގެ ގޮތުގައި ލިބުނު އާމްދަނީ ދަށްވެފައިވާއިރު، އިމްޕޯޓް، އެކްސްޕޯޓް އަދި އިމްޕޯޓް އެކްސްޕޯޓުން ދައުލަތައް ލިބުނު އާމްދަނީވެސް ކޯވިޑް19 ގެ ސަބަބުން މިއަހަރު ވަނީ ދަށްވެފައެވެ. މި އަހަރު އިމްޕޯޓް ޑިއުޓީގެ ގޮތުގައި ދައުލަތަށް ލިބޭނެ ކަމަށް އަންދާޒާ ކޮށްފައި ވަނީ 3 ބިލިއަން ރުފިޔާ އެވެ.

އިމްޕޯޓް އެކްސްޕޯޓްގެ އާމްދަނީ ދަށްވެފައިވަނީ ރާއްޖެ އަންނަ ފަތުރުވެރިންގެ އަދަދުތައްވެސް ކޯވިޑް19 އާއި ގުޅިގެން ދަށްވެފައިވުމުގެ ސަބަބުންނެވެ. ނަމަވެސް އަލުން ބޯޑަރު ހުޅުވާލުމާއިއެކު މަޑުމަޑުން ފަތުރުވެރިން އަންނަ އަދަދުތައް އަންނަނީ އިތުރުވަމުންނެވެ.