މެންބަރުން ވަކި ހައްދެއް ނެތި ސަލާމުގައި ނުތިއްބެވޭ ގޮތައް ޤަވައިދު އިސްލާހުކުރަން ހުށައަޅައިފި

ރައްޔިތުންގެ މަޖިލީހުގެ މެމްބަރުން، ޖަލްސާތަކަށާއި ކޮމިޓީ ބައްދަލުވުންތަކަށް ވަޑައިނުގެން، އެއްވެސް ހައްދެއް ނެތި ސަލާމުގައި ނުތިއްބެވޭ ގޮތަށް ރައްޔިތުންގެ މަޖިލީހުގެ ގަވައިދު އިސްލާހުކުރަން ހުށައަޅައިފިއެވެ. މި ޤަވައިދު އިސްލާހުކުރަން ހުށައަޅާފައިވަނީ ގަލޮޅު ދެކުނު ދާއިރާގެ މެމްބަރު މީކާއީލް އަހުމަދު ނަސީމްއެވެ.

މަޖިލީހުގެ ގަވައިދަށް މީކާއީލް ހުށަހެޅުއްވި އިސްލާހުގައި ވާގޮތަށް ގަވައިދު ބަދަލުކޮށްފި ނަމަ މެޑިކަލް ސެޓްފިކެޓް ހުށަނާޅުއްވައި، ސަލާމުގައި ތިއްބެވޭނީ އަހަރަކު 15 ދުވަހު އެވެ. އެއަށް ވުރެ އިތުރުވާ ނަމަ މެޑިކަލް ސެޓްފިކެޓް ގެންދަވަން ޖެހިވަޑައިގަންނަވާއިރު އެގޮތަށް ވެސް ނެންގެވޭނީ އަހަރަކު 15 ދުވަހެވެ. އެގޮތުން މެމްބަރުންނަށް ސަލާމް ވިދާޅުވެގެން ތިއްބެވޭނީ އަހަރަކު ޖުމްލަ 30 ދުވަހު އެވެ.

advertisement

އެމްސީ ހުށަހަޅުއްވަން ޖެހޭ ގޮތަށް ގަވައިދު އިސްލާހުކުރިޔަސް ހާއްސަ ހާލަތްތަކުގައި މެމްބަރުންނަށް ލުއި ލިބޭނެކަމަށްވެސް ޤަވައިދުގައި ވަނީ ބަޔާންކޮށްފައެވެ. އެއީ ބޮޑު ބައްޔަކަށް ފަރުވާ ކުރަން ޖެހުމާއި އެކްސިޑެންޓެއްގެ ސަބަބުން އަނިޔާވުމެވެ.

މަޖިލީހުގެ ބައެއް މެންބަރުން ގިނަ ދުވަސްތަކެއް ވަންދެން މަޖިލީހަށް ހާޒިރު ނުވާކަމުގެ ކަންބޮޑުވުން ދާދިފަހުން މަޖިލީހުގެ ރައީސްވެސް ވަނީ ފާޅުކުރައްވާފައެވެ.