މެޑިފްލެކްސް ލެބޯރަޓްރީން ޕީސީއާރް ޓެސްޓުގެ އަގު ހެޔޮ ކޮށްފި

މެޑިފްލެކްސް ލެބޯޓަރީޒްއިން އާންމުނަށް ހަދާދޭ ޕީސީއާރު ޓެސްޓުގެ އަގު ދަށްކޮށްފިއެވެ. މިގޮތުން ކުރިން 1000 ރުފިޔާއަށް ހަދާދެމުންދިޔަ ޕީސީއާރު ޓެސްޓް ދެން މެޑިފްލެކްސްއިން ހަދާދޭނީ 700 ރުފިޔާއަށެވެ. 700 ރުފިޔާއަށް ފޯރުކޮށްދޭނެ ހިދުމަތްތަކުގެ ތެރޭގައި ލެބް ޓެސްޓްގެ އިތުރުން ސާމްޕަލް ކަލެކްޝަނަށް ބޭނުންކުރާ ތަކެތީގެ އަގު ހިމެނެއެވެ.

advertisement

މެޑިފްލެކްސްއިން ވިދާޅުވީ މިބަދަލު ގެނެސްފައިވަނީ ވީހާވެސް ގިނަ ފަރާތްކަށް ހެޔޮ އަގުގައި މިހިދުމަތް ހޯދުމުގެ ފުރުސަތު ދިނުމުގެ ގޮތުން ކަމަށެވެ. އަދި މިއީ ރާއްޖެއިން ކޮވިޑް-19 ގެ ނުރައްލަކުން އަރައިގަތުމަށް ކުރަމުންދާ މަސައްކަތައް އެހީތެރިވުމުގެ ގޮތުން ގެނެވުނު ބަދަލެއްކަމަށެވެ. އެކުންފުނިން ބުނީ މިހިދުމަތް ދިވެހިންނާއި ބޭރު މީހުންނަށްވެސް ފަރަގުކުރުމެއްނެތި ލިބޭނެކަމަށެވެ.

މެޑްފްލެކްސްގައި ޕީސީއާރު ޓެސްޓް ހެދުމަށް ބޭނުންކުރަނީ ތާމޯފިޝާގެ ޓެސްޓް މެޝިނާއި ދުނިޔޭގެ ސިއްހަތާއި ބެހޭ ޖަމުއިއްޔާ، ޑަބްލިއުއެޗްއޯގެ މިންގަނޑުތަކަށް ފެތޭ ޕީސީއާރު ޓެސްޓް ކިޓެވެ. އަދި މެޑިފްލެކްސްއިން ހަދާ ޓެސްޓުގެ ނަތީޖާ 12 ގަޑިއިރު ތެރޭގައި ލިބޭނެއެވެ. މީގެއިތުރުން ޓެސްޓްގެ ނަތީޖާ އަވަހަށް ބޭނުންނަމަ އިތުރު ޗާޖަކާއިއެކު މިހިދުމަތް 6 ގަޑިއިރު ތެރޭގައި ލިބޭނެ ކަމަށް މެޑިފްލެކްސްއިން މައުލޫމާތުދެއެވެ.

މެޑިފްލެކްސް ލެބޯޓަރީ ހުންނާނީ ކަނބާއައިސަރަނި ހިދުމުން އައިޖީއެމްއެޗް ކުރިމައްޗަށްވާ ގޮތައް ހުންނަ މ. ކޮޓޭޖްގެ ގްރައުންޑް ފްލޯގައެވެ. މިލެބޯޓަރަޓީއަކީ 24 ގަޑިއިރު ހިދުމަތްދޭ ތަނެކެވެ.