އައިޓީބީ ބަރލިންގައި ރާއްޖެއިން ބައިވެރިވެއްޖެ

ފަތުރުވެރިކަމުގެ ސިނާޢަތުގެ ބައިނަލްއަޤްވާމީ އެންމެ ބޮޑު އެއް ފެއާރކަމަށްވާ އައި.ޓީ.ބީ ބަރލިންގައި ވިޒިޓް މޯލްޑިވްސްއިން ބައިވެރިވެއްޖެއެވެ.

މިމަހުގެ 9 ވަނަ ދުވަހުން 12 ވަނަ ދުވަހުގެ ނިޔަލަށް ކުރިއަށްދާ މިފެއަރ މިއަހަރު ކުރިއަށްދަނީ ވަރޗުއަލްކޮށްނެވެ.
ހަތަރު ދުވަހުގެ މި ހަރަކާތުގައި ދުނިޔޭގެ އެކިކަންކޮޅުތަކުގެ ފަތުވެރިކަމުގެ ދާއިރާގެ ބޭފުޅުންނާއި ބައްދަލުކުރުމަށް ފުރުސަތު ލިބިގެންދާނެއެވެ. އަދި މިފެއާގައި ވިޔަފާރިގެ ގުޅުންތައް ބަދަހިކުރުމުގެ އިތުރުން، ދިވެހިރާއްޖެ މަޤްބޫލު އަދި ރައްކާތެރި ފަތުރުވެރި މަންޒިލެއްގެ ގޮތުގައި އިޝްތިހާރުކުރެވިގެން ދާނެކަމަށް ވިޒިޓް މޯލްޑިވްސްއިން މައުލޫމަތުދެއެވެ.

advertisement

ދިވެހިރާއްޖޭގެ ފަތުރުވެރިކަމުގެ ސިނާއަތުގައި ހަރަކާތްތެރިވާ 15 ކުންފުންޏަކުން 27 ފަރާތްތަކުން ވަނީ މިފައާގައި ބައިވެރިވެފައެވެ. މިއަހަރުގެ ފެއާގައި ވިޒިޓް މޯލްޑިވްސްއިން ލައިވް ޕްރެސް ކޮންފަރެންސެއް ބޭއްވުމަށް ވަނީ ހަމަޖެހިފައެވެ. މިކޮންފަރެންސްގެ ޕެނެލްގައި ވާހަކަދެއްކުމަށް ހަމަޖެހިފައިވަނީ ޓުއަރިޒަމް މިނިސްޓަރ، ޑރ. އަބްދުﷲ މައުސޫމް އާއި ވިޒިޓް މޯލްޑިވްސްގެ މެނޭޖިންގ ޑިރެކްޓަރު، ތޮއްޔިބު މުހައްމަދުއެވެ.

މިޕްރެސް ކޮންފަރެންސްގައި ދިވެހިރާއްޖެ ޤުދުރަތީގޮތުން ވަކި ރަށްތަކެއް ގޮތުގައި އުފެދިފައި އޮތުމަކީ މިފަދަ ދަނޑިވަޅެއްގައި ފަތުރުވެރިން ޒިޔާރަތްކުރަން އެންމެ ރައްކާތެރި މަންޒިލްގެ ގޮތުގައި ދިވެހިރާއްޖެވާ ސަބަބު ކަމުގައި ބުނެދީ، ދިވެހިރާއްޖެއަކީ ހުރިހާ ގޮތަކުން ވެސް ރައްކާތެރި މަންޒިލެއްގެ ގޮތުގައި އިޝްތިހާރުކުރެވިގެންދާނެއެވެ.