ޚަބަރު

ރާއްޖޭގެ އެތެރޭގައި ފައިސާގެ މުއާމަލާތް ކުރަންވާނީ ދިވެހި ރުފިޔާއިން ކަމަށް އެމްއެމްއޭއިން އަންގައިފި

15 މާޗް 2021 - 15:47

ރާއްޖޭގެ ބޭންކްތަކުން ދޫކޮށްފައިވާ ވިސާ ކާޑުތަކުން ރާއްޖޭގައި މުއާމަލާތް ކުރަންވާނީ ދިވެހި ރުފިޔާއިން ކަމަށް އެމްއެމްއޭއިން ބޭންކްތަކަށް އަންގައިފި އެވެ.

އެމްއެމްއޭ އިން ބޭންކްތަކަށް ފޮނުވާފައިވާ އެންގުމުގައި ބުނެފައިވަނީ ރާއްޖޭގައި ނަގާފައިވާ ވިސާ ކާޑުތަކަށް ރާއްޖޭގެ އެތެރޭގެ ހުރިހާ ފައިސާގެ މުއާމަލާތެއްވެސް ހިންގަން ޖެހެނީ ދިވެހި ރުފިޔާއިން ކަމަށެވެ. އަދި ރިސޯޓުތަކާއި ގެސްޓްހައުސްތަކުގައި ވިސާ ކާޑުން ހިންގާ ފައިސާގެ މުއާމަލާތްތައް ވެސް ހިންގަން ވާނީ ރުފިޔާއިން ކަމަށް އެމްއެމްއޭއިން ބޭންކްތަކަށް ފޮނުވާފައިވާ އެންގުމުގައި ވަނީ ބުނެފައެވެ.

advertisement

މިގޮތަށް ހަމަޖެއްސުމުން، ޓޫރިޒަމްގެ ހިދުމަތް ދޭ ތަންތަނުގެ އިތުރުން މާލޭގައި ހިންގާ ބައެއް ރެސްޓޯރެންޓްތަކުގައި ވެސް ރާއްޖޭގައި ދޫކޮށްފައިވާ ވިސާ ކާޑަކުން ދެން ޑޮލަރުން ފައިސާއެއް ނުދެއްކޭނެ އެވެ. މިގޮތަށް އަމަލުކުރަން ފަށާނީ އަންނަ މަހުގެ 15 އިން ފެށިގެންނެވެ.

ރާއްޖޭގައި ޑޮލަރުގެ ދަތިކަމަށް ހައްލު ހޯދުމުގެ ގޮތުންނާއި ޑޮލަރު ހިފެހެއްޓުމުގެ ގޮތުން އެމްއެމްއޭއިން އަންނަނީ ގިނަ މަސައްކަތްތަކެއް ކުރައްވަމުންނެވެ.

ރިއެކްޝަންސް
0
0
0
0
0
0
0