މަޖިލީހުގައި ރެސްޓޯރަންޓަކާއި ޖިމެއް އެޅުމަށް 2 ވަނަ ފަހަރަށް ހުޅުވާލައިފި

ރައްޔިތުންގެ މަޖިލީހުގައި ރެސްޓޯރެންޓާއި، ޖިމެއް ހިންގާނެ ފަރާތެއް ހޯދުމަށް އަނެއްކާވެސް އިއުލާން ކޮށްފިއެވެ.

އެ އިދާރާއިން އެންމެ ފުރަތަމަ މި ފުރުސަތު ހުޅުވައިލީ މިދިޔަ އަހަރުގެ ޖުލައި މަހު އެވެ. ނަމަވެސް އެ ފަހަރު ޝައުގުވެރިކަން ފާޅުކުރީ އެންމެ ތިން ފަރާތަކުންނެވެ. އެހެންވެ، އެކަށީގެންވާ ތަރުހީބު ނުލިބޭ ކަމަށް ނިންމައި އަލުން އެ ފުރުސަތު ހުޅުވައިލީ އެވެ.

advertisement

ރެސްޓޯރެންޓާއި ފިޓްނަސް ސެންޓަރު ހުޅުވާނީ މަޖިލީހުގެ އިދާރާގެ އާ އިމާރާތުގެ ޓެރަހުގަ އެވެ. މިއީ އެ އިދާރާގެ މުވައްޒަފުންގެ ކްލަބް “ޕެމާ”އިން ހުޅުވައިލި ފުރުސަތެކެވެ. ރެސްޓޯރަންޓާއި ޖިމް އެޅުމަށް ޝައުޤުވެރިވާ ފަރާތްތަކަށް މިހާރު ވަނީ މި ފުރުސަތު ހުޅުވާލާފައެވެ.

މަޖިލީހުގައި ޤާއިމްކުރާ ޖިމާއި ރެސްޓޯރެންޓަކީ އާންމުނަށްވެސް އެތަންތަނުގެ ޙިދުމަތް ދެވޭގޮތަށް ހުޅުވާލާތަންތަނެވެ. މަޖިލީހުގެ ރައީސް، ރައީސް މުހައްމަދު ނަޝީދު ވިދާޅުވެފައިވާ ގޮތުގައި މަޖިލީހުގެ އިދާރާގައި ރެސްޓޯރެންޓެއް ހުޅުވުމުން އެ އިދާރާގެ ކެއުމަށް ދާ ހަރަދު ކުޑަވާނެ އެވެ.