ބަނގްލަދޭޝްއާއި ރާއްޖެއާއި ދެމެދު ކުރެވުނު އެއްބަސްވުންތަކުގެ ސަބަބުން ގުޅުން ބަދަހިވެގެންދާނެ – މިނިސްޓަރ ޝާހިދު

ބަނގްލަދޭޝްއާއި ރާއްޖެއާއި ދެމެދު ބޭއްވި ރަސްމީ ވާހަކަތަކާއި ސޮއިކުރި އެއްބަސްވުންތަކުގެ ސަބަބުން ދެ ޤައުމުގެ ގުޅުން އިތުރަށް ބަދަހިވެގެންދާނެކަމަށް ފޮރިން މިނިސްޓަރ އަބްދުﷲ ޝާހިދު ވިދާޅުވެއްޖެއެވެ.

ރާއްޖެއާއި ބަނގްލަދޭޝްއާއި ދެމެދު އެއްބަސްވުންތަކުގައި ސޮއެކޮށްފައިވަނީ ރައީސުލްޖުމްހޫރިއްޔާ މިމަހު ބަނގްލަދޭޝްއަށް ކުރެއްވި ފުރަމާން ދަތުރުފުޅުގެ ތެރެއިންނެވެ. މި ދަތުރުފުޅުގައި ސަރުކާރުގެ ބައެއް ވަޒީރުންވެސް ވަނީ ބައިވެރިވެވަޑައިގަންނަވާފައެވެ.

advertisement

ރާއްޖެއާ ބަންގުލަދޭޝާއި ދެމެދު ވައިގެ މަގުން ކުރާ ދަތުރުތަކުގެ އިތުރުން ކަނޑުގެ މަގުން ދަތުރުތައް ފެށުމަށް މަސައްކަތްކުރައްވަމުން ގެންދަވާކަމަށް ފޮރިން މިނިސްޓަރ ޢަބްދުﷲ ޝާހިދު ވަނީ ވިދާޅުވެފައެވެ.

މި ދަތުރުފުޅުގައި މަސްވެރިކަމުގެ ދާއިރާއިން އެހީތެރިވުމާއިގުޅޭ އެއްބަސްވުމެއްގައިވެސް ވަނީ ސޮއެކުރައްވާފައެވެ.

މީގެއިތުރުން މޫސުމަށް އަންނަ ބަދަލުތަކާއި ދެމެހެއްޓެނިވި ތަރައްޤީ އިތުރުން ދެ ޤައުމުން އިސްކަންދޭ ބައިނަލްއަޤްވާމީ މައްސަލަތަކާއި ދެ ޤައުމުގެ މެދުގައި ވިޔަފާރި އާއި އިންވެސްޓުމަންޓް ފުރުސަތުތައް އިތުރުކުރުމަށް މަޝްވަރާކުރެއްވިކަމަށްވެސް މިނިސްޓަރ ޝާހިދު ވިދާޅުވިއެވެ.

ދެ ޤައުމުގެ އެންމެ އިސްވެރިންގެ މަޝްވަރާތަކުގައި ބަންގްލަދޭޝްހެ ޤައުމީ އެއަރލައިން “ބައިމަން ބަންގްލަދޭޝް އެއާރލައިންސް” ގެ ރަސްމީ ދަތުރުތައް ވަރަށް އަވަހަށް ރާއްޖެއަށް ފަށާނެކަން ބޮޑުވަޒީރު ބޮޑުވަޒީރު ޝައިޚް ޙަސީނާ އިއުލާންކުރެއްވިކަންވެސް މިނިސްޓަރ ޝާހިދު ފާހަގަކުރެއްވިއެވެ.