އޭސީސީއިން ބަލަމުންދާ މައްސަލައަކާއި ގުޅިގެން މުއިއްޒު ހާޒިރުކުރަނީ

ޑރ. މުހައްމަދު މުއިއްޒުއާ ގުޅޭގޮތުން އެންޓި ކޮރަޕްޝަން ކޮމިޝަން (އޭސީސީ) އިން ބަލަމުންދާ މައްސަލައެއްގައި އެ ކޮމިޝަނަށް ހާޒިރުވާން އޭނާއަށް އަންގައިފި އެވެ. މުއިއްޒު އަންނަނީ ކުރިއަށް އޮތް ލޯކަލް ކައުންސިލް އިންތިހާބުގައި މާލެ ސިޓީގެ މޭޔަރު ކަމަށް ވާދަކުރައްވަމުންނެވެ.

މުއިއްޒުއަށް އޭސީސީއަށް ހާޒިރުވާން އަންގާފައިވަނީ މިއަދުއެވެ. މުއިއްޒު ވިދާޅުވީ، މިއީ ސަރުކާރުން އޭނާގެ ކެމްޕެއިންނަށް ހުރަސްއެޅުމަށާއި އަބުރު ކަތިލުމަށް ސަރުކާރުން ކުރާ ކަމެއްކަމަށެވެ.  
މުއިއްޒު އޭސީސީއަށް ހާޒިރުކުރަނީ ސީދާ ކޮން މައްސަލައެއްގައި ކަމެއް ސާފެއް ނުވެއެވެ. ނަމަވެސް މުއިއްޒު މައްޗަށް ވަނީ ދޮގު ބަޔާނެއް ދިނުމުގެ ދައުވާ އެއްވެސް އުފުލާފައެވެ.

ނަމަވެސް އެ ތުހުމަތުތައް މުއިއްޒު ދޮގު ކުރައްވައެވެ. މުއިއްޒު ވިދާޅުވީ ދައުލަތާއި ރައްޔިތުންނަށް ގެއްލުން ވާނެ ގޮތަށް އެއްވެސް ކަމެއް ކުރައްވާފައި ނުވާނެ ކަމަށާ އޭނާ ހުންނެވީ ސާބިތުކަމާއެކު ކަމަށެވެ. އަދި ކިތަންމެ ގިނަ ތުހުމަތުތަކެއްކޮށް ބިރު ދައްކަން މަސައްކަތް ކުރި ނަމަވެސް ފަހަތަށް ޖެހިވަޑައި ނުގަންނަވާނެ ކަމަށެވެ.

advertisement