ރަމަޟާންމަހުގެ ކުރިން ކޯވިޑް ވެކްސިންގެ ފުރަތަމަ ޑޯޒް ޖެހުމަށް އެޗްއީއޯސީން އެދިއްޖެ

ރަމަޟާންމަހުގެ ކުރިން ކޮވިޑް19 ވެކްސިންގެ ފުރަތަމަ ޑޯޒު ޖަހަން އެޗްޕީއޭއިން އިލްތިމާސްކޮށްފި އެވެ. އެޗްޕީއޭއިން މިގޮތައް އިލްތިމާސްކޮށްފައިވަނީ ރަމަޟާންމަހު ވެކްސިން ޖެހޭނީ މަދު ވަގުތުކޮޅެއްގައިކަމަށްވާތީއެވެ.

އެޗްއީއޯސީގައި ބޭއްވި ނޫސްވެރިންގެ ބައްދަލުވުމުގައި އެޗްޕީއޭގެ ޑިރެކްޓަރު އަހްމަދު ނާސިރު ވިދާޅުވީ ރަމަޟާން މަހު ވެކްސިން ދިނުން ކުރިއަށްގެންދެވޭނީ މަދު ގަޑިތަކެއްގައި ކަމުން، ރަމަޟާން މަހުގެ ކުރިން ވެކްސިންގެ ފުރަތަމަ ޑޯޒު ޖެހުމަށް އެދޭކަމަށެވެ.

advertisement

ރާއްޖޭގައި ކޮވިޑްގެ ވެކްސިން ދޭން ފަށާފައިވަނީ ފެބްރުއަރީ މަހުގެ ފުރަތަމަ ދުވަހުގަ އެވެ. ރާއްޖޭގައި ކޯވިޑް ވެކްސިން ޖަހަންފެށިއިރު އެންމެ ފުރަތަމަ ދޭން ފަށާފައިވަނީ އިންޑިއާގެ ސީރަމް އިންސްޓިޓިއުޓް އިން އުފައްދާފައިވާ ކޮވިޝީލްޑް ވެކްސިނެވެ. ނަމަވެސް މިހާރު ރާއްޖޭގައި އަންނަނީ ސައިނޯފާމް ވެކްސިންވެސް ދެމުންނެވެ.

ސައިނޯފާމް ވެކްސިން ބޭނުން ކުރުމުގެ ހުއްދަ ފުޑް އެންޑް ޑްރަގް އޮތޯރިޓީ (އެމްއެފްޑީއޭ) އިން ދީފައިވަނީ މި މަހުގެ 14 ވަނަ ދުވަހުއެވެ. ރާއްޖޭގެ އާބާދީގެ އެންމެންނަށް ހިލޭ ވެކްސިން ފޯރުކޮށްދިނުމަކީ ސަރުކާރުގެ އަމާޒެކެވެ.

ރާއްޖެއިން މިހާތަނަށް ވެކްސިން ދިން މީހުންގެ ޖުމުލަ އަދަދަކީ 232،175 އެވެ. އެއީ މާލެ ސަރަހައްދުން ވެކްސިން ދިން 129،069 މީހުންނާއި އަތޮޅުތަކުން ވެކްސިން ދިން 103،106 މީހުންނެވެ.