ޚަބަރު

ޓްރާންސްޕޯޓް މިނިސްޓްރީގެ އައިޓީ މުވައްޒަފުން އިސްތިއުފާ ދީފި

30 މާޗް 2021 - 16:14

ޓްރާންސްޕޯޓު މިނިސްޓްރީގެ އައިޓީ ޑިޕާޓްމެންޓުގައި މަސައްކަތްކުރާ މުވައްޒަފުން އިސްތިއުފާ ދީފި އެވެ. ޓްރާންސްޕޯޓް މިނިސްޓްރީގެ އައިޓީ ޑިޕާޓްމެންޓުގައި މަސައްކަތް ކުރަނީ ދެ މުވައްޒަފުން ކަމަށެވެ. އަދި މިހާރު އެ ދެމީހުން ވެސް ވަނީ މަގާމުން އިސްތިއުފާ ދީފައި ކަމަށް މައުލޫމާތު ލިބެއެވެ.

އެ މުވައްޒަފުން އިސްތިއުފާ ދީފައިވަނީ 18 ވެހިކަލްގެ މައްސަލައާ ގުޅިގެންނާއި ސިސްޓަމް ތެރޭގައި ވަރަށް ގިނަ މައްސަލަތައް ދިމާވާތީ ކަމަށް މައުލޫމާތު ލިބެ އެވެ. އެމީހުންނަށް އިސްތިއުފާދޭން މަޖުބޫރުކުރި ކަމުގެ ތުހުމަތުތަކެއްވެސް ކުރެވުނެވެ.

advertisement

ޓްރާންސްޕޯޓް މިނިސްޓްރީގެ ސިސްޓަމް ތެރޭގައި ބަދަލުތައް ގެންނަނީ އެތަނުގައި ހުންނަ އައިޓީ ކޮންސަލްޓަންޓަށް ވެސް ނޭނގި ކަމަށް އެމީހުން ވަނީ ބުނެފައެވެ. އަދި ދަންވަރު އެކި މަސައްކަތް ކުރުމާއި އޮފީސް ގަޑިން ބޭރުގައި ގޮތް ނޭނގޭ އެކިއެކި މަސައްކަތްތައް އެ މިނިސްޓްރީގައި ކުރަމުން އަންނަ ކަމަށްވެސް ވަނީ ބުނެފައެވެ.

ޓްރާންސްޕޯޓް މިނިސްޓްރީއަކީ މީގެ ކުރިންވެސް މިފަދަ ގިނަ ތުހުމަތުތަކެއް ކޮށްފައިވާ އިދާރާއެކެވެ.

ރިއެކްޝަންސް
0
0
0
0
0
0
0