މިދިޔަ ސަރުކާރު ނިމުނުއިރު ހިޔާ ފްލެޓްގައި ނިމިފައިވަނީ %44 މަސައްކަތް: ނަޝީދު

ރައީސް ޢަބްދުﷲ ޔާމީންގެ ސަރުކާރުން ހުޅުމާލޭގައި ޢިމާރާތްކުރި ހިޔާ ފްލެޓްތަކުގައި، މިސަރުކާރު އާއިރު ނިމިފައިވަނީ އެންމެ%44 މަސައްކަތްކަމަށް ރައްޔިތުންގެ މަޖިލީހުގެ ރައީސް މުޙައްމަދު ނަޝިދު ވިދާޅުވެއްޖެއެވެ.

ނަޝީދު މިހެން ވިދާޅުވީ، ހިޔާ ފްލެޓްތަކުގެ މައްސަލަ ބެލުމަށް މިސަރުކާރުން އެކުލަވާލި ފްލެޓްތަކުގެ މައްސަލަ ބަލާ ކޮމިޓީން ކުރި މަސައްކަތްތަރައް ދިރާސާކޮށް މަޖިލީހުގެ ކޮމިޓީން އެކުލަވާލި ރިޕޯޓާއި ގުޅޭގޮތުން ނޫސްވެރިންނަށް މައުލޫމާތު ދެއްވަމުންނެވެ. ރައްޔިތުންގެ މަޖިލީހުގެ ރައީސް މުޙައްމަދު ނަޝީދު ވިދާޅުވީ، މަޖިލީހުގެ ކޮމިޓީން މައިގަނޑު ގޮތެއްގައި ބެލީ ތިން ކަމެއްކަމަށެވެ. އެއީ ހިޔާ މަޝްރޫޢޫގެ ދަށޫން ދޫކޮށްފައިވާ ފްލެޓްތަކުގެ މައްސަލަ ބެލުމާއި، މިސަރުކާރުގެ ބޯހިޔާވަހިކަމުގެ ސިޔާސަތު އޮތްގޮތެއް ބެލުމާއި، އެ ސިޔާސަތުތައް ތަންފީޒްކުރާގޮތް ބެލުންކަމަށެވެ.

ހިޔާ މަޝްރޫޢުއާއި ގުޅޭގޮތުން ވާހަކަފުޅު ދައްކަވަމުން ރައީށް ނަޝީދު ވިދާޅުވީ، ފްލެޓްތަކުގެ މައްސަލަ ބެލުމަށް ކޮމިޓީއެއް މިސަރުކާރުން އެކުލަވާލ ކުރީގެ ސަރުކާރުން އަމަލުކުރި ގޮތުން ރައްޔިތުންގެ މަޖިލީހަށާއި، ސަރުކާރަށް ގިނަ ޝަކުވާތަކެއް ލިބުމުންކަމަށެވެ. އެމަނިކުފާނު ވިދާޅުވީ، ކުރީގެ ސަރުކާރުގައި ފްލެޓް ލިބުނު މީހުންގެ ލިސްޓް ނެރުނުއިރު ފްލެޓް ދިނުމުގައި އެއްވެސް އުސޫލެއް އެކުލަވާލާފައި ނުވާކަމަށެވެ. އަދި މިސަރުކާރު ހަވާލުވީއިރު ހިޔާ މަޝްރޫޢޫގެ ނިމިފައިވަނީ އެންމެ%44 މަސައްކަތްކަމަށްވެސް ރައީސް ނަޝީދު ވިދާޅުވިއެވެ.

ރައީސް ނަޝިދު ވަނީ ގެދޮރުވެރިކަމުގެ ގިނަ މަޝްރޫޢުތައް މިހާތަނަށް ހިންގިފައި ނުވަނީ ކުރީގެ ހައުސިން މިނިސްޓަރ އެކަން ރަނގަޅަށް ބަލަހައްޓާފައި ނުވާތީކަމަށެވެ.