ޚަބަރު

ކޯވިޑް ވެކްސިންގެ 2 ވަނަ ޑޯޒްއަށްފަހު ރަށްރަށަށްް ދަތުރުކުރެވޭނެ

1 އެޕްރީލް 2021 - 13:13

ކޮވިޑް-19 ވެކްސިންގެ ދެވަނަ ޑޯޒަށް ފަހު، ކަރަންޓީނުނުވެ ރަށްރަށައް ދަތުރުކުރެވޭނެކަމަށް ރައީސް އޮފީހުގެ ތަރުޖަމާން މަބްރޫކް އަޒީޒް ވިދާޅުވެއްޖެ އެވެ.

ރައީސް އޮފީހުން ނޫސްވެރިންނަށް މައުލޫމާތުދިނުމަށް ބޭއްވި ބައްދަލުވުމެއްގައި އޭނާ ވިދާޅުވީ، ކޮވިޑް ވެކްސިންގެ ދެވަނަ ޑޯޒް ޖެހުމަށް ފަހު، ރާއްޖޭގެ އެތެރޭގައި ދަތުރު ކުރެވޭނެ އިންތިޒާމު ހަމަޖައްސާނެ ކަމަށެވެ. ނަމަވެސް ވެކްސިން ޖެހުމަށް ފަހު ދަތުރު ކުރެވެނީ ސީދާ ކިތައް ދުވަސް ފަހުން ކަން އަދި ނިންމާފައި ނުވާ ކަމަށް މަބްރޫކް ވިދާޅުވި އެވެ.

advertisement

ދެވަނަ ޑޯޒް ޖެހުމަށް ފަހު، އެއް ގައުމުން އަނެއް ގައުމަށް ދަތުރުކުރުމަށް ލުއިތަކެއް ގެނައުމަށްޓަކައި ވެސް މަސައްކަތް ކުރައްވާނެ ކަމަށް މަގްރޫކު ވިދާޅުވި އެވެ.

ރާއްޖޭގައި މިހާތަނަށް 235000 އަށްވުރެ ގިނަ މީހަކު ވަނީ ކޮވިޑް ވެކްސިންގެ ފުރަތަމަ ޑޯޒް ޖަހާފައެވެ. ރާއްޖޭގައި ކޮވިޑް ވެކްސިން ޖަހަން ފެށީ މިދިޔަ ފެބްރުއަރީ މަހު އެކެއްގަ އެވެ. ވެކްސިން ދިނުމުގެ ހުއްދަ އޮންނަ އެންމެންނަށްވެސް މިވަގުތު ރާއްޖޭގައި އަންނަނީ ވެކްސިން ޖަހަމުންނެވެ.

ރިއެކްޝަންސް
0
0
0
0
0
0
0