ރަމަޟާންމަހު ފިހާރަތަކާއި ކެފޭތައް ހުޅުވާފައި ބެހެއްޓޭ ވަގުތު އިތުރުކޮށްފި

އަންނަ ރަމަޟާން މަހު ޢާންމު ވިޔަފާރިތަކާއި ކެފޭ، ރެސްޓޯރެންޓު ފަދަ ތަންތަނުން ޙިދުމަތް ދެވޭނެ ގަޑިތައް އިކޮނޮމިކް މިނިސްޓްރީން ކަނޑައަޅުއްވައިފިއެވެ.

އިކޮނޮމިކް މިނިސްޓްރީން ވިދާޅުފައިވަނީ އާންމު ވިޔަފާރިތަކަށް ރޯދަމަހު ޙިދުމަތް ދެވޭނީ ހެނދުނު 8:00 އިން ފެށިގެން މެންދަމު 12:00އާ ހަމައަށް ކަމަށެވެ. އަދި އެޕްރީލް އެކަކުން ފެށިގެން ރޯދަމަސް ފެށެންދެން ޢާންމު ވިޔަފާރިތަކަށް ފަތިހު 5:30އިން ފެށިގެން މެންދަމުން 12:00އާ ހަމައަށް ޚިދުމަތް ދެވޭނެކަމަށް މިނިސްޓްރީން ވިދާޅުވެއެވެ.

advertisement

ރޯދަމަހު ކެއިންބުއިމުގެ ޚިދުމަތްދޭ ތަންތަން ހުޅުވައިގެން ޚިދުމަތް ދެވޭނީ ހަވީރު 5:30އިން ފެށިގެން މެންދަމު 3:00އާ ހަމައަށެވެ. އަދި އެޕްރީލް މަހުގެ އެއްވަނަ ދުވަހުން ފެށިގެން ކެއިން ބުއިމުގެ ޚިދުމަތް ދޭ ތަންތަން ރޯދަމަސް ފެށުމާހަމައަށް ހުޅުވައި ޚިދުމަތް ދެވޭނީ ފަތިހު 4:30އިން ފެށިގެން މެންދަމު 1:00އާ ހަމައަށް ކަމަށް އިކޮނޮމިކް މިނިސްޓްރީން ވަނީ ވިދާޅުވެފައެވެ.

އިކޮނޮމިކް މިނިސްޓްރީން ވިޔަފާރި ގަޑިތައް ކަނޑައަޅައި ނިންމާފައިވާއިރު ޢާންމުކޮށް ހުޅުވައިގެން ކަސްޓަމަރުންނަށް ޚިދުމަތްދޭ ތަންތަނުން އެޗްޕީއޭގެ ޤަވާޢީދުތަކަށް އަމަލު ކުރުމަށް ވަނީ އިލްތިމާސްކޮށްފައެވެ.