މިނިސްޓްރީ އޮފް ކޮމިއުނިކޭޝަން، ސައިންސް އެންޑް ޓެކްނޮލޮޖީ އުވާނުލާނެ – ސަރުކާރު

މިނިސްޓްރީ އޮފް ކޮމިއުނިކޭޝަން، ސައިންސް އެންޑް ޓެކްނޮލޮޖީ އުވާނުލަން ނިންމާފައިވާ ކަމަށް ސަރުކާރުން ވިދާޅުވެއްޖެއެވެ.

ކޮމިއުނިކޭޝަން މިނިސްޓަރުކަމުގައި ހުންނެވި މަލީހް ޖަމާލްގެ އިތުބާރުނެތްކަމުގެ ވޯޓެއްނަގައި މަޖިލީހުން ވަނީ ވަކިކޮށްފައެވެ. އެހެންކަމުން އެ މިނިސްޓްރީ އުވާލައި، އެހެން މިނިސްޓްރީއެއްގެ ދަށަށް ގެންދިޔުމަށް ސަރުކާރުގެ ވިސްނުން ހުރި ކަމަށް އަޑުތައް ފެތުރުނެވެ. ނަމަވެސް އެ މިނިސްޓްރީ އުވާލަން ނިންމާފައިނުވާކަމަށް މައުލޫމާތު ލިބެއެވެ.

advertisement

މަލީހްގެ އިތުބާރު ނެތް ކަމުގެ ވޯޓު ނަގައި، އޭނާ މަގާމުން ވަކިކުރީ މިދިޔަ މަހު އެއް ވަނަ ދުވަހުއެވެ. އެއާއެކު ހަމަ އެދުވަހު އެ މިނިސްޓްރީ ވަގުތީ ގޮތުން ހިންގެވުމާ ހަވާލު ކުރީ، އިކޮނޮމިކް މިނިސްޓަރު ފައްޔާޒު އިސްމާއިލްއާ އެވެ.