ހުރާއާއި ނައިފަރުން ޕޮޒިޓިވްވި މީހުންގެ އަދަދު 300 އިން މައްޗަށް

ޅ. ނައިފަރާއި، ކ. ހުރާއިން ކޯވިޑް19 އަށް ޕޮޒިޓިވްވި މީހުންގެ އަދަދު 300 އަށްވުރެ މައްޗަށް އަރައިފިއެވެ. ނައިފަރާއި ހުރާއިން ޕޮޒިޓިވް ކޭސްތަކެއް ފެނި މި 2 ރަށްވެސް ވަނީ މޮނިޓަރިންގެ ހާލަތައް ލާފައެވެ.

 ކ. ހުރާއިން މިހާތަނަށް 161 މީހަކު ވަނީ ކޯވިޑް19 އަށް ޕޮޒިޓިވް ވެފައެވެ. މީގެތެރޭގައި ފާއިތުވި 24 ގަޑިއިރުގެ ތެރޭގައި ފޮޒިޓިވްވެފައިވަނީ 11 މީހުންނެވެ. ޕޮޒިޓިވް ވެފައިވާ 161 މީހުންގެ ތެރެއިން މިހާތަނަށް 29 މީހަކު ވަނީ ބަލިން ރަނގަޅުވެފައެވެ. އަދި މިވަގުރު ބަލި ޖެހިފައިވާ މީހުންގެ އަދަދަކީ 132 އެކެވެ.

advertisement

ހުރާ ހެލްތް ސެންޓަރުން ވިދާޅުވީ، މިހާތަނަށް 779 ސާމްޕަލްއެއް ކޯވިޑް19 އަށް ޓެސްޓްކުރުމަށް ނަގާފައިވާކަމަށެވެ. މިހާތަނަށް 576 ސާމްޕަލް ވަނީ ނެގެޓިވްވެފައެވެ. އަދި ޕެންޑިންގައި 42 ސާމްޕަލް އެބަހުއްޓެވެ.

ޅ. ނައިފަރުން މިހާތަނަށް ކޯވިޑް19 އަށް ޕޮޒިޓިވްވެފައިވަނީ ޖުމްލަ 165 މީހުންނެވެ. މީގެތެރެއިން ފާއިތުވި 24 ގަދިއިރުގެ ތެރޭގައި ޕޮޒިޓިވްވެފައިވަނީ 13 މީހުންނެވެ. މިހާތަނަށް ބަލިން ރަނގަޅުވެފައިވަނީ ޖުމްލަ 3 މީހުންނެވެ. އަދި 1 ވަނީ ނިޔާވެފައެވެ.

ނައިފަރު ހޮސްޕިޓަލުން ވިދާޅުވީ، މިހާތަނަށް ކޯވިޑް19 އަށް ޓެސްޓްކުރުމަށް ޖުމްލަ 1700 ސާމްޕަލް ނަގާފައިވާކަމަށެވެ. މީގެތެރެއިން 1483 ސާމްޕަލް ވަނީ ނެގެޓިވްވެފައެވެ. އަދި ނަތީޖާ ނުލިބޭ 52 ސާމްޕަލް އެބަހުރިކަމަށް ހޮސްޕިޓަލުން މައުލޫމާތުދެއެވެ.