މުއިއްޒުއަށް ފުރިހަމަ އެއްބާރުލުން ދޭނަން – ރައީސް ނަޝީދު

ލޯކަލް ކައުންސިލް އިންތިހާބުގައި މާލެ ސިޓީގެ މޭޔަރު ކަމަށް އިންތިހާބުވެވަޑައިގެންނެވި ޕީޕީއެމްގެ ކެންޑިޑޭޓު، ޑރ. މުހައްމަދު މުއިއްޒަށް އެއްބާރުލުން ދެއްވާނެ ކަމަށް ރައްޔިތުންގެ މަޖިލީހުގެ ރައީސް، އަދި އެމްޑީޕީގެ ރައީސް، މުހައްމަދު ނަޝީދު ވިދާޅުވެއްޖެ އެވެ.

ރައީސް ނަޝީދު މިހެން ވިދާޅުވީ، ޑރ. މުއިއްޒަށް މަރުހަބާ ވިދާޅުވެ، ކުރެއްވި ޓުވީޓެއްގަ އެވެ.

advertisement

މުއިއްޒަށް މަރުހަބާ ވިދާޅުވެ، ރައީސް ނަޝީދު ކުރި ޓްވިޓުގައި ވިދާޅުވީ، މާލޭގެ ކަންކަން ހައްލު ކުރުމަށް މުއިއްޒު ވަރަށް ބުރަކޮށް މަސައްކަތްކުރައްވާނެކަމަށެވެ. ކައުންސިލް އިންތިހާބު އެމްޑީޕީ ކެންޑިޑޭޓު އަނަސް އަބްދުއްސައްތާރާ ވާދަކޮށް މުއިއްޒު ވަނީ ބޮޑު ތަފާތަކުން ކާމިޔާބުކުރައްވައިފަ އެވެ.

ރައީސް ނަޝީދު ވަނީ ކައުންސިލް އިންތިހާބުގައި އެމްޑީޕީ ހޯދި ކާމިޔާބީއަށް ވެސް މަރުހަބާ ވިދާޅުވެފަ އެވެ. އެމަނިކުފާނު ވިދާޅުވީ މާލެ ފިޔަވައި، އެހެން ގިނަ ކައުންސިލްތަކުގެ އަގުލަބިއްޔަތު އެމްޑީޕީން ހޯދާފައިވާ ކަމަށެވެ.

އިންތިހާބީ މޭޔަރު، މުއިއްޒުގެ ކެމްޕެއިންގެ އެންމެ ބޮޑު ވައުދަކީ މާލޭ ރައްޔިތުނަށް ދިމާވެފައިވާ ބޯހިޔާވަހިކަމުގެ މައްސަލައަށް ހައްލު ހޯދުމަށް ރައްޔިތުން ގެދޮރުވެރިކުރުމެވެ. މުއިއްޒު ރޭ ވިދާޅުވީ ސަރުކާރާ ގުޅިގެން މާލޭގެ ރައްޔިތުންގެ ގެދޮރުވެރި މަންޒިލަކަށް ގުޅީފަޅު ހަދައިދޭނެ ކަމަށެވެ.