ވެކްސިންގެ 2 ޑޯޒްއަށްފަހު ރާއްޖެ އަންނަ ފަތުރުވެރިން ޕީސީއާރު ނަތީޖާ ގެންނަން ނުޖެހޭގޮތަށް ހަދައިފި

ވެކްސިންގެ 2 ޑޯޒް ފުރިހަމަކުރުމަށްފަހު ރާއްޖެ އަންނަ ފަތުރުވެރިން ޕީސީއާރް ޓެސްޓު ނަތީޖާއެއް ހުށަހަޅަން ނުޖެހޭގޮތަށް ހަމަޖައްސައިފިއެވެ.

އެޗްޕީއޭއިން އެންމެ ފަހުން ޢާއްމުކުރި އުސޫލުގެ ދަށުން ގެންނަ މި ބަދަލާއެކު ކޯވިޑް-19ގެ ވެކްސިން 2 ޑޯސް ފުރިހަމަކޮށްގެން ރާއްޖެއަށް އަންނަ ފަތުރުވެރިން ކަރަންޓީންގެ މުއްދަތެއްވެސް ފުރިހަމަ ކުރާކަށް ނުޖެހޭނެއެވެ. އެހެން ނަމަވެސް ވެކްސިންގެ 2 ވަނަ ޑޯޒް ފުރިހަމަ ކުރިފަހުން 14 ދުވަސް ފުރިހަމަވާން ޖެހެއެވެ.
މިބަދަލާއެކު ފަސޭހައިން ރާއްޖެއަށް ދަތުރުކުރެވޭނެ އިންތިޒާމްތަކެއް ހަމަޖެހިފައިހުރުމުން ރާއްޖެއަންނަ ފަތުރުވެރިންގެ އަދަދު އިތުރުވެގެންދާނެކަމަށް ޓޫރިޒަމް މިނިސްޓްރީން ވިދާޅުވެއެވެ.

advertisement

އެޗްޕީއޭއިންދިން ލުޔާއެކު ރިސޯޓުތަކުގައި މަސައްކަތްކުރާ މުވައްޒަފުންނަށްވެސް ދެ ޑޯޒް ފުރިހަމަ ކުރުމަށްފަހު 14 ދުވަސް ހަމަވުމުން ކަރަންޓީން ނުވެ ރަށްރަށަށް ދަތުރުކުރެވެއެވެ.

އެޗްޕީއޭއިން ޢާއްމުކުރި އުސޫލުގެ ދަށުން އާބާދީގެ 60 އިންސައްތައަށް ވެކްސިން ޖަހާފައިވާނަމަ ކަރަންޓީންވުމަކާ ނުލާ ރަށްރަށަށް ދަތުރުކުރެވޭނެއެވެ. މިއުސޫލަށް ޢަމަލުކުރަން ފަށާނީ މިމަހުގެ 20 ވަނަ ދުވަހުން ފެށިގެންކަމަށް އެޗްޕީއޭއިން ވިދާޅުވެއެވެ.