ދަ ސްޕޭސް އާއި އެމްއެމްޑަބްލިއު ގުޅިގެން ބިދޭސީންނަށް ރޯދަވީއްލުމުގެ ޙާއްސަ ހަދިޔާތަކެއް

ދަ ސްޕޭސްއާއި ލޯކަލް އެންޖީއޯއެއްކަމަށްވާ، މިޝަން ފޯރ މައިގްރެންޓްސް ވޯކާރސް (އެމްއެމްޑަބްލިއު) ގުޅިގެން ރާއްޖޭގައި އުޅޭ ބިދޭސީންނަށް ރޯދަ ވީއްލުމުގެ ޙާއްސަ ޕެކޭޖްތަކެއް ހަދިޔާކުރަން ފަށައިފިއެވެ.

ކޮންމެ ދުވަހަކުވެސް 50 މީލް ޕެކް ހަދިޔާކުރާނެއެވެ. މި މަސައްކަތް ފަށާފައިވަނީ ރަމަޟާންމަހުގެ ފުރަތަމަ ދުވަސްކަމަށްވާ މިމަހުގެ 13 ވަނަ ދުވަހުއެވެ.

advertisement

މި ހަރަކާތްފެށިއިރު ކޮންމެ ދުވަހަކު 50 މީހަކަށް ރޯދަ ވީއްލާ ޕެކް ހަދިޔާ ކުރިނަމަވެސް މިހާރު ކޮންމެ ދުވަހަކު 100 މީހުންނަށް ރޯދަ ވީއްލުމުގެ ޕެކް އަންނަނީ ހަދިޔާކުރަމުންކަމަށް ދަ ސްޕޭސްއިން ބުނެއެވެ.

މި މީލްޕެކް ހަދިޔާކުރުމުގެ ފުރުސަތު އާންމުންނަށްވެސް ވަނީ ހުޅުވާލާފައެވެ. އެގޮތުން ކޮންމެ މީލް ޕެކްއެއްގެ އަގަކީ 50 ރުފިޔާއެވެ.

މީލް ޕެކް ހަދިޔާ ކުރުމަށް ދަ ސްޕޭސްގެ އެކައުންޓަށް ފައިސާ ޖަމާކުރެވޭނެއެވެ.
ބީއެމްއެލް (ފައިސާ): 7730000167472
ބީއެމްއެލް (ޔޫއެސްޑީ): 7730000167473
ފައިސާ ޖަމާކުރުމަށްފަހު ރިސިޓް ވައިބަރ ކުރައްވާނީ: 7337700
ފައިސާ ނޫން އެހެން ތަކެތި ހަދިޔާކުރަން ބޭނުންވާ ފަރާތްތަކުން ގުޅުއްވާނީ: 7337700