ޖައްވަށް ދޫކުރާ ވިހަ ގޭސް މަދުކުރަން އެމެރިކާއިން ނިންމި ނިންމުމަށް ރައީސްގެ މަރުހަބާ

ުރިއަށް އޮތް 10 އަހަރުތެރޭ، ޖައްވަށް ދޫކުރާ ވިހަ ގޭހުގެ މިންވަރު 50 ޕަސެންޓު ދަށްކުރަން އެމެރިކާ އިން ނިންމުމުން އެ ގައުމުގެ ރައީސް ޖޯ ބައިޑެން އަށް، ރައީސް އިބްރާހިމް މުހައްމަދު ސޯލިހު މަރުހަބާ ވިދާޅުވެއްޖެ އެވެ.

މިކަމާއި ގުޅިގެން ރައީސް ކުރެއްވި ޓްވީޓްގައި ވިދާޅުވީ މޫސުމަށް އަންނަ ބަދަލުތަކުން އެންމެންނަށްވެސް ނޭދެވޭ އަސަރު ކުރާ ކަމަށެވެ. އަދި ރާއްޖެ ފަދަ ޖަޒީރާ ގައުމުތަކުގެ ދެމިއޮތުމާ ގުޅުންހުރި ކަމެއްގައި އެމެރިކާ އިން މިސާލު ދެއްކުމުން ހިތްވަރު ލިބޭ ކަމަށެވެ.

advertisement

އެމެރިކާގެ ރައީސް ބައިޑެން ނިންމަވާފައި ވަނީ 2030 ގެ ނިޔަލަށް، އެ ގައުމުން ޖައްވަށް ދޫކުރާ ގޭސްތައް ދެބައިކުޅަ އެއްބައި ދަށްކުރުމަށެވެ. މިއީ 2015 ވަނަ އަހަރުގެ ކުރިން، ޕެރިސް އެގްރީމެންޓްގެ ދަށުން އެ ގައުމުން ދަށްކުރަން އެއްބަސްވި އެމިޝަންގެ ދެ ގުނަ އިތުރު އަދަދެކެވެ.

އާތު ދުވަހާ ގުޅިގެން ރައީސް އިބްރާހިމް މުހައްމަދު ވެސް ވިދާޅުވެފައި ވަނީ އަންނަން އޮތް ޖީލުތަކަށް ރާއްޖޭގެ ތިމާވެއްޓާއި ގުދުރަތީ ރީތިކަން ރައްކާކުރުމުގެ މަސައްކަތް ސަރުކާރުން ވަރަށް ސީރިއަސްކޮށް ކުރާނެ ކަމެއް ކަމަށެވެ.