އެމްޕީއެލް އިން ކޮންޓެއިނާ ފެރީ ހިދުމަތް ފަށަނީ

އެމްޕީއެލް އިން ކޮންޓެއިނާ ފެރީ ހިދުމަތް ފެށުމަށް ތައްޔާރުވެއްޖެ އެވެ. ކޮންޓެއިނާ ފެރީގެ ހިދުމަތަކީ އެމްޕީއެލް އިން ހިންގާ މާލޭގެ ވިޔަފާރި ބަނދަރަށް ގެންނަ މުދާ އަތޮޅު ތެރެއަށް ގެންދިއުމަށް އަމާޒުކޮށްގެން ފަށާ ހިދުމަތެއްކަމަށް އެ ކުންފުނިން ބުނެއެވެ.

އެ ހިދުމަތް ކުރިއަށް އޮތް ޖޫން މަހުގެ ތެރޭގައި ފެށުމަށް އެމްޕީއެލް އިން ވަނީ ނިންމާފަ އެވެ. އަދި އެކަމަށް ހާއްސަކޮށްގެން ލޭންޑިން ކްރާފްޓެއް މިހާރު ވަނީ ހޯދާފަ އެވެ. ހިދުމަތް ފަށައިގަންނައިރު ކޮންޓެއިނާ އުފަލަން ހަމަޖައްސާފައިވަނީ އައްޑޫ ސިޓީގެ ހިތަދޫ ޕޯޓަށާއި ކުޅުދުއްފުށި ސިޓީގެ ޕޯޓަށެވެ. ކޮންޓެއިނާ ފެރީގެ ހިދުމަތް ދޭން ނިންމާފައިވަނީ ޝެޑިއުލް ކޮށްގެން ފޯރުކޮށްދޭ ހިދުމަތެއްގެ ގޮތުގަ އެވެ.

advertisement

އެމްޕީއެލްގެ ކޮންޓެއިނާ ފެރީގެ ހިދުމަތް ފެށުމާ އެކު އަތޮޅުތަކަށް މުދާ ގެންދިއުމަށް ވިޔަފާރިވެރިން މިހާރު ކުރާ ހޭދަ ވަރަށް ބޮޑަށް ދަށްކުރެވޭނެ ކަމަށް އެމްޕީއެލްއިން ބުނެއެވެ. އެމްޕީއެލް އިން ކޮންޓެއިނާ ފެރީގެ ހިދުމަތް ފެށުމުގެ އެންމެ ބޮޑު ބޭނުމަކީ މާލޭގެ ވިޔަފާރި ބަނދަރަށް ގެންނަ މުދާ އަތޮޅުތަކަށް ގެންދިއުމަށް ދަތިތަކެއް ހުރުމުން ވިޔަފާރިވެރިންނަށް ފަސޭހަކޮށްދީ މުދަލުގެ އަގަށް ހެޔޮ ބަދަލެއް ގެނައުންކަމަށް އެ ކުންފުނިން ބުނެއެވެ.