ކަރެކްޝަނަލް ސަވިސަސްގެ މުވައްޒަފުންނާއި ޤައިދީން ހިމެނޭހެން 78 މީހަކު ޕޮޒިޓިވް

މޯލްޑިވްސް ކަރެކްޝަނަލް ސަވިސަސްގެ މުވައްޒަފުންނާއި ޤައިދީން އަދި ބަންދު މީހުން ހިމެނޭގޮތުން ކޯވިޑް19 އަށް ޕޮޒިޓިވްވީ މީހުންގެ އަދަދު 78 އަރައިފިއެވެ. މީގެތެރޭގައި އެކި ޖަލުތަކުން ޕޮޒިޓިވްވީ މީހުން ހިމެނެއެވެ.

މޯލްޑިވްސް ކަރެކްޝަނަލް ސަރވިސަސްއިން އާންމުކޮށްފައިވާ ތަފާސްހިސާބުތަކަށް ބަލާއިރު އައްސޭރި ޖަލުން އޮފިސަރުންނާއި މުވައްޒަފުންގެ ތެރެއިން 18 މީހަކު ވަނީ ޕޮޒިޓިވްވެފައެވެ. މާފުށީ ޖަލުން އޮފިސަރުންނާއި މުވައްޒަފުންގެ ތެރެއިން 31 މީހަކު ޕޮޒިޓިވްވެފައިވާއިރު، 77 މީހުން ވަނީ ކަރަންޓީންކޮށްފައެވެ.

advertisement

މާލޭ ޖަލުން އޮފިސަރުންނާއި މުވައްޒަފުންގެ ތެރެއިން 4 މީހަކު ޕޮޒިޓިވްވެފައިވާއިރު، 20 މީހުން ވަނީ ކަރަންޓީންކޮށްފައެވެ. މި ޖަލުން ޤައިދީންނާއި ބަންދު މީހުންގެ ތެރެއިން ފޮޒިޓިވްވެފައިވަނީ 25 މީހުންނެވެ. އަދި 17 މީހުން ވަނީ ކަރަންޓީނުކޮށްފައެވެ.

ރާއްޖޭގައި މިހާރު ކޯވިޑްގެ ކޭސްތައް ވަނީ އިތުރުވާން ފަށާފައެވެ. އެގޮތުން ފާއިތުވި 24 ގަޑިއިރުގެ ތެރޭގައިވެސް 601 މީހަކު ރާއްޖެއިން ވަނީ ޕޮޒިޓިވްވެފައެވެ.