ހިޔާގައި އުޅޭ ކުދިންގެ ސަލާމަތާއި ރައްކާތެރިކަން ކަށަވަރުކޮށްދިނުމަށް އާރކް އިން ގޮވާލައިފި

ކުޑަކުދިންގެ ހިޔާގައި އުޅޭ ކުދިންގެ ސަލާމަތާއި ރައްކާތެރިކަން ކަށަވަރުކޮށްދިނުމަށް އާރކް އިން ސަރުކާރަށް ގޮވާލައިފިއެވެ. ކުޑަކުދިންގެ ހިޔާގައި މިވަގުތުވެސް 13 އަހަރާއި 18 އަހަރާއި ދެމެދުގެ 15 ކުދިން އަންނަނީ އުޅެމުންނެވެ.

އާރކްއިން ކުޑަކުދިންގެ ހިޔާގައި އުޅޭ ކުދިންގެ ސަލާމަތާއި ރައްކާތެރިކަން ކަށަވަރުކޮށްދިނުމަށް ސަރުކާރަށް ގޮވާލާފައިވަނީ އިއްޔެ އެތަނުގައި ހިނގި އަލިފާނުގެ ހާދިސާއާއި ގުޅިގެންނެވެ. މި އަލިފާނުގެ ހާދިސާއާއި ގުޅިގެން އެތަނުގައި ހުރި ފަރުނީޗަރުތަކާއި ތަކެތި ވަނީ ބޭނުންނުކުރެވޭ ވަރަށް ހަލާކުވެފައެވެ. އާރއިން ވަނީ މި މައްސަލަ އިތުރަށް ބަލައި ތަހުޤީގުކޮށް މިފަދަ ހާދިސާއެއް ކުރިއަށް އޮތް ތަނުގައި ހިނގާ ނުދިއުމަށްޓަކައި އެޅެންހުރި ފިޔަވަޅުތައް އެޅުމަށް ކަމާގުޅުންހުރި ފަރާތްތަކަށް ގޮވާލާފައެވެ.

advertisement

ވިލިމާލޭގައި ހުންނަ ކުޑަކުދިންގެ ހިޔާގައި އަލިފާނުގެ ހާދިސާއެއް ހިނގައިގެން ރިޕޯޓުކޮށްފައިވަނީ އިއްޔެ ހެނދުނު 10:04 އެހާއިރުއެވެ. މިއާއިއެކު ފަޔަރ އެންޑް ރެސްކިއު ސަރވިސުން އެތަނަށް ގޮސް އަލިފާން ނިއްވާލުމުގެ މަސައްކަތް ވަނީ ކޮށްފައެވެ.