ޚަބަރު

ރައީސް ނަޝީދުގެ ގިނަ ސަރޖަރީތަކެއް ކޮށްފި

8 މެއި 2021 - 12:57

ކުރީގެ ރައީސް މުހައްމަދު ނަޝީދުގެ ގިނަ ސަރޖަރީތަކެއް ކޮށްފައިވާކަމަށް އޭޑީކޭ ހޮސްޕިޓަލުން ވިދާޅުވެއްޖެއެވެ.

އޭޑީކޭ ހޮސްޕިޓަލުން ބުނީ ނަޝީދުގެ ގިނަ ސާޖަރީތައް ހަދާފައިވާ ކަމަށެވެ. އެގޮތުން އެމަނިކުފާނުގެ ބޮލާއި އަތް އަދި ފައިގެ ސާޖަރީއެއްގެ އިތުރުން ބަނޑާއި ފުރަމޭގެ ސާޖަރީއެއްވެސް ހަދާފައިވާ ކަމަށް އޭޑީކޭއިން މައުލޫމާތުދެއެވެ. ސާޖަރީތައް ކާމިޔާބު ކަމަށްވެސް ހޮސްޕިޓަލުން ވަނީ ބުނެފައެވެ. އެޑީކޭ އިން ބުނީ ސާޖަރީތަކަށް 16 ގަޑިއިރު ހޭދަވިކަމަށެވެ.

advertisement

ރައީސް ނަޝީދުގެ އަރިސް ބޭފުޅަކު ވިދާޅުވީ ގިނަ ސާޖަރީތަކެއް ހައްދަވަން ޖެހިވަޑައިގަތުމާއި އަދި އެމަނިކުފާނުގެ އެތެރެ ހައްޓަށްވެސް ބައެއް ޒަހަމުތައް ލިބިފައިވާތީ އިތުރަށް ބަލަން ޖެހޭ ކަންކަން ބެލުމަށް ރައީސް ނަޝީދު ބޭރަށް ގެންދިއުމުގެ އިންތިޒާމު ކުރަމުންދާ ކަމަށެވެ. ރައީސް ނަޝީދު ގެންދަވަނީ ސިންގަޕޫރަށް ކަމަށްވެސް އެނގިފައިވެ އެވެ. މިކަމާ ގުޅޭގޮތުން ރަސްމީ އިދާރާއަކުން އަދި ވަކި އެއްޗެއް ބުނެފައެއް ނުވެ އެވެ. ނަމަވެސް އާއިލާގެ ބޭފުޅަކު އެކަން ޔަގީން ކޮށްދެއްވިއެވެ.

ރައީސް ނަޝީދަށް އަމާޒުކޮށް މިދިޔަ ބުރާސްފަތި ދުވަހުގެރޭ ދިން ހަމަލާގައި ފަސް މީހަކަށް އަނިޔާވި އެވެ. އެއީ ސިފައިންގެ ތިން އޮފިސަރުންނާއި ދިވެއްސަކާއި ބިދޭސީ އެކެވެ.

ރިއެކްޝަންސް
0
0
0
0
0
0
0