ޚަބަރު

ރައީސް ނަޝީދަށް އަމާޒުކޮށްދިން ހަމަލާގެ އެއްވެސް މައުލޫމާތެއް އިނގޭނަމަ ހާމަކުރުމަށް އެދިއްޖެ

8 މެއި 2021 - 13:07

ކުރީގެ ރައީސް މުހައްމަދު ނަޝީދަށް އަމާޒުކޮށް މިދިޔަ ބުރާސްފަތި ދުވަހުގެ ރޭ ޓެރަރިޒަމްގެ ހަމަލާ ދީފައިވާ މީހުން ހޯދަން އާންމުންގެ އެހީއަށް އެދިއްޖެ އެވެ.

ފުލުހުން ކުރި ޓްވީޓެއްގައި ބުނީ އެ ހަމަލާ އާއި ގުޅޭ އެއްވެސް ފޮޓޯއެއް، ވީޑިއޯއެއް ނުވަތަ ލިޔެކިޔުމެއްގެ އެއްވެސް މައުލޫމާތެއް ލިބިފައިވާނަމަ ވީހާވެސް އަވަހަށް ފުލުހުންނަށް ރިޕޯޓު ކުރުމަށެވެ. މައުލޫމާތު ހިއްސާ ކުރާ މީހުންގެ މައުލޫމާތު ސިއްރު ކުރާނެ ކަމުގެ ޔަގީންކަން ވެސް ފުލުހުން ވަނީ ދީފަ އެވެ. މިކަމާއި ގުޅޭ އެއްވެސް މައުލޫމާތެއް އިނގޭނަމަ ޕޮލިސްގެ ހޮޓްލައިން 9704000 އަށް ހިއްސާކުރުމަށް ފުލުހުން ވަނީ އެދިފައެވެ.

advertisement

ހަމަލާ ދޭން ބޭނުންކުރި ސައިކަލުގެ ސައްހަ މައުލޫމާތު ލިބިފައިވާ ކަމަށް ކޮމިޝަނާ އޮފް ޕޮލިސް މުހައްމަދު ހަމީދު ވަނީ ވިދާޅުވެފަ އެވެ.

ފުލުހުންގެ ތަހުގީގަށް ހަމަލާއާއި ގުޅުންހުރި ހަތަރު މީހަކު ފާހަގަކުރެވިފައިވާ ކަމަށާއި އެމީހުންނަކީ ކޮން ބައެއްކަން ދެނެގަތުމުގެ މަސައްކަތް ކުރަމުންދާ ކަމުގައިވެސް ވިދާޅުވި އެވެ. އެކަމަކު މިހާތަނަށް ހަމަލާ އާއި ގުޅިގެން މީހަކު ހައްޔަރުކޮށްފަ އެއް ނުވެ އެވެ.

ރިއެކްޝަންސް
0
0
0
0
0
0
0