ކޮވިޑް-19 ހުއްޓުވުމަށް ކުރެއްވި ދަތުރުފަތުރުތަކަށް 317 މިލިއަން ރުފިޔާ ސަރުކާރުން ހޭދަކޮށްފި

ކޮވިޑް-19އާ ހުއްޓުވުމަށް ސަރުކާރުން ކުރެއްވި ދަތުރުފަތުރުތަކަށް 317 މިލިއަން ރުފިޔާ ހޭދަކޮށްފިކަމަށް ފިނޭންސް މިނިސްޓްރީގެ ތަފާސްހިސާބުތަކުން ދައްކައިފިއެވެ.

ފިނޭންސް މިނިސްޓްރީން ނެރުނު ތަފާސްހިސާބުތައް ދައްކާގޮތުން މެއި މަހުގެ 6 ވަނަ ދުވަހުގެ ނިޔަލަށް ކޮވިޑް-19 ހުއްޓުވުމުގެ މަސައްކަތަށް 3.3 ބިލިއަން ރުފިޔާ ވަނީ ހޭދަކޮށްފަ އެވެ. އެންމެ ބޮޑު ޙަރަދެއް ކޮށްފައިވަނީ ސިއްހީ އަދި އިޖުތިމާއީ ދާއިރާއިން ނޭޝަނަލް ޑިޒާސްޓާ މެނޭޖްމަންޓް އޮތޯރިޓީ (އެންޑީއެމްއޭ) އަށް 867.9 މިލިއަން ރުފިޔާ އެވެ. ދެ ވަނައަށް އެންމެ ބޮޑު ހޭދައެއް ކުރީ ހެލްތު މިނިސްޓްރީއަށް 469.2 މިލިއަން ރުފިޔާ އެވެ. އަދި އައިޖީއެމްއެޗް އަށް 102 މިލިއަން ރުފިޔާ ހޭދަކޮށްފައިވަނީ، ދާދި ފަހުން ޙަރަދު ކުރެވެން ނެތްކަމަށް ބުނެ ދިވެހި ޑޮކްޓަރުންނަށް ވަޒީފާ ނެތް ކަމަށް އައިޖީއެމްއެޗް އިން ބުނެފައިވަ ދަނޑިވަޅެއްގައެވެ.

advertisement

އިކޮނޮމިކް ރެސްޕޮންސްގެ ދަށުން ކޮވިޑް-19 ރިކަވަރީ ލޯން ސްކީމަށް 1.15 ބިލިއަން ރުފިޔާ ހޭދަ ކޮށްފައިވާއިރު، އިންކަމް ސަޕޯޓު އެލަވެންސްގެ ގޮތުގައި 420.9 މިލިއަން ރުފިޔާ އަދި ކަރަންޓު ބިލުތަކުން ޑިސްކައުންޓުގެ ގޮތުގައި 117.7 މިލިއަން ރުފިޔާ އާއި ފެން ބިލުތަކަށް 26 މިލިއަން ރުފިޔާ ސަރުކާރުން ހޭދަކޮށްފައިވެއެވެ.