ކޯވިޑް ޕޮޒިޓިވް މީހަކު ވިހެއުމުގެ ކަންކަން އެޗްޕީއޭއިން އޭޑީކޭގައި ހަމަޖައްސައިނުދިން މައްސަލައެއް ފެންމަތިވެއްޖެ

ކޯވިޑް19 އަށްޕޮޒިޓިވްވެފައިވާ މާބަނޑު އަންހެނަކު ވިހެއުމުގެ ކަންކަން އޭޑީކޭގައި ހަމަޖައްސައިދޭން އެދުމުން އެކަމަށް އެޗްޕީއޭއިން އެއްބާރުލުން ނުދިން މައްސަލައެއް ފެންމަތިވެއްޖެއެވެ.

ޒަޔާން ކިޔާ މީހަކު ޓްވިޓަރގައި ބުނެފައިވަނީ މި ހުކުރު ދުވަހު ވިހަން ތައްޔާރުވެފައިވާ އޭނާގެ ރަހުމަތްތެރިއެއްގެ ދައްތަ ވިހަން ބޭނުންވަނީ އޭޑީކޭގައި ކަމަށް ބުނެފައިވަނިކޮށް އެޗްޕީއޭއިން އޭނާ ހުޅުމާލެ މެޑިކަލް ފެސިލިޓީއަށް ފޮނުވާފައިވާކަމަށެވެ.

advertisement

މާބަނޑު މީހާ އެޗްޕީއޭއަށް ކޮށްފައިވާ މެއިލްއެއް މި ޓްވިޓުގައި ވަނީ ހިއްސާކޮށްފައެވެ. އެ މެއިލްގައި ބުނެފައިވަނީ ވިހެއުމުގެ ކަންކަން އޭޑީކޭގައި ހަމަޖެއްސުމަށް އެދޭކަމަށެވެ. އައިޖީއެމްއެޗެގައި ވިހެއުމަށް ބޭނުންނުވާކަމަށް މި މެއިލްގައި އޭނާ ވަނީ ބުނެފައެވެ. ސަބަބެއްކަމަށް ބުނެފައިވަނީ މީގެ 2 މަސް ކުރިން އޭނާގެ 6 އަހަރުގެ ކުއްޖާ މަރުވެފައިވަނީ އައިޖީއެމްއެޗްގެ ޑޮކްޓަރުންނާއި، ނަރުހުންގެ އިހުމާލުގެ ސަބަބުން ކަމަށް ވުމާއިއެކު މިހާލަތުގައި އެމީހުންނާއި ކުރިމަތިލާން ބޭނުން ނުވާކަމަށެވެ.