އާރކް އެއިޑްއިން ދަތި ޙާލުގައި ތިބި 1800އަށްވުރެ ގިނަ ކުޑަކުދިންނަށާއި އާއިލާއަށް އެހީ ފޯރުކޮށްދީފި

ކޮވިޑް-19 ގެ ބަލިމަޑުކަމާއި ގުޅިގެން، ޔުނިސެފް، ބޭންކް އޮފަ މޯލްޑިވްސް، ދިރާގު އަދި ވަކިވަކި ފަރާތްތަކުގެ އެހީއާއެކު، އެޑްވޮކޭޓިންގް ދަ ރައިޓްސް އޮފް ޗިލްޑްރެންއިންގެ (އާރކް) ޙާއްސަ ފްރޮގްރާމް “އާރކް އެއިޑް” ގެ ދަށުން 55 ރަށުގައި ދަތި ޙާލުގައި ތިބި 1800 އަށްވުރެ ކުދިންނަށްނަށް އަސާސީ ކާބޯތަކެތީގެ އެހީތެރިކަން ފޯރުކޮށްދީފިއެވެ.

ކޮވިޑް-19ގެ ބަލިމަޑުކަމާއި ގުޅިގެން ދައުލަތުން އެޅި އެކި ސަލާމަތީ ފިޔަވަޅުތަކުގެ ސަބަބުން ދިރިއުޅުމުގެ ޙާލަތު ބަދަލުވެ އިޖްތިމާއި އަދި އިޤްތިސޯދީ ގޮތުން އައި ގޮންޖެހުންތަކާއިއެކު ކުޑަކުދިންނަށްވެސް ވަނީ އެކަމުގެ ނޭދެވޭ އަސަރު ކޮށްފައެވެ. ބަޔެއް އާއިލާއިން މެންބަރުން ވަޒީފާއިން ވަކިކުރުމާއި، އިނާޔަތް ކުޑަކުރުގެ ދަތިތަކާ ކުރިމަތިލާއިރު، މާލޭގައި ދިރިއުޅުމުންދިޔަ އަނެއްބައި އާއިލާތަކައް ކުރިމަތިވެފައިވާ ދަތި ޙާލުގެ ސަބަބުން އަނބުރާ ރަށަށް ބަދަލުވުން ވަނީ މަޖުބޫރުވެފައެވެ. މިކަމުގެ އެންމެ ނޭދެވޭ އަސަރު ފޯރަމުންދަނީ ކުޑަކުދިންނަށެވެ. މިފަދަ ޙާލަތްތަކާއި ކޯވިޑް-19 ގެ ސަބަބުން އެހެނިހެން އުނދަގޫތަކާއި އުނދަގޫތައް ކުރިމަތިވެފައިވާ އާއިލާތަކަށް ސަރުކާރުގެ އިދާރާތަކާއި، ރަށު ކައުންސިލާއި އެހެނިހެން ޖަމިއްޔާތަކުގެ އެހީއާއެކެ އާރކްއެއިޑްގެ ޕްރޮގްރާމްގެ ދަށުން ވާނީ ކާބޯތަކެތީގެ ޕެކޭޖެއް ރައްދުކޮށްދީފައެވެ. މި ޕެކޭޖުގައި ހިމެނެނީ ހަނޑޫ،ފުށް، ހިކި ކިރު، މަސް ދަޅު، ބިސް، ބޭކެޑް ބީންސް އަދި ތަރުކާރި ދަޅެވެ.

advertisement

އާރކްއިން ޤަބޫލުކުރާ ގޮތުގައި ޙާއްސަކޮށް މިފަދަ ބަލިމަޑުކަމުގެ ދުވަސްވަރެއްގައި އެއްވެސް ކުއްޖަކީ ކާބޯތަކެތި ލިބުމުގެ އަސާސީ ޙައްޤުން މަޙުރޫމުވެފައިވާ ކުއްޖަކަށް ވެގެންނުވާނެކަމަށެވެ. މިގޮތުން އާރކް އެއިޑްގެ ޕްރޮގްރާމުވާނީ ދިވެހިރާއްޖޭގެ ހުރިހާ އަތޮޅަކަށް ފޯރާފައެވެ:

ހއ. އަތޮޅުގެ 5 ރަށުން 26 ކުދިންނާއި އެކުދިންގެ އާއިލާ
ހދ. އަތޮޅުގެ 4 ރަށުން 133 ކުދިންނާއި އެކުދިންގެ އާއިލާ
ށ އަތޮޅުގެ 4 ރަށުން 98 ކުދިންނާއި އެކުދިންގެ އާއިލާ
ނ އަތޮޅުގެ 5 ރަށުން 109 ކުދިންނާއި އެކުދިންގެ އާއިލާ
ރ އަތޮޅުގެ 1 ރަށުން 3 ކުދިންނާއި އެކުދިންގެ އާއިލާ
ބ އަތޮޅުގެ 1 ރަށުން 6 ކުދިންނާއި އެކުދިންގެ އާއިލާ
ޅ އަތޮޅުގެ 2 ރަށުން 19 ކުދިންނާއި އެކުދިންގެ އާއިލާ
ކ އަތޮޅުގެ 2 ރަށުން 103 ކުދިންނާއި އެކުދިންގެ އާއިލާ
އއ. އަތޮޅުގު 2 ރަށުން 63 ކުދިންނާއި އެކުދިންގެ އާއިލާ
ވ އަތޮޅުގެ 4 ރަށުން 37 ކުދިންނާއި އެކުދިންގެ އާއިލާ
ފ އަތޮޅުގެ 4 ރަށުން 151 ކުދިންނާއި އެކުދިންގެ އާއިލާ
ދ އަތޮޅުގު 1 ރަށުން 6 ކުދިންނާއި އެކުދިންގެ އާއިލާ
ތ އަތޮޅުގެ 1 ރަށުން 5 ކުދިންނާއި އެކުދިންގެ އާއިލާ
ލ އަތޮޅުގެ 5 ރަށުން 161 ކުދިންނާއި އެކުދިންގެ އާއިލާ
ގއ. އަތޮޅުގެ 2 ރަށުން 165 ކުދިންނާއި އެކުދިންގެ އާއިލާ
ގދ. އަތޮޅުގެ 3 ރަށުން 88 ކުދިންނާއި އެކުދިންގެ އާއިލާ
އައްޑޫ ސިޓީން 6 ރަށުން 207 ކުދިންނާއި އެކުދިންގެ އާއިލާ
ފުވައްމުލަކު ސިޓީން 1 ރަށުން 138 ކުދިންނާއި އެކުދިންގެ އާއިލާ
މާލެ ސިޓީން 3 ރަށުން 290 ކުދިންނާއި އެކުދިންގެ އާއިލާ
މ އަތޮޅުގެ 2 ރަށުން 37 ކުދިންނާއި އެކުދިންގެ އާއިލާ